राष्ट्रवादीच्या भिवंडी लोकसभा प्रभारी पदी सुरेश म्हात्रे यांची नियुक्ती
By नितीन पंडित | Published: January 4, 2024 06:03 PM2024-01-04T18:03:01+5:302024-01-04T18:03:18+5:30
समर्थकांमध्ये आनंदाचे व उत्साहाचे वातावरण पसरले आहे
![Suresh Mhatre appointed as Bhiwandi Lok Sabha in-charge of NCP | राष्ट्रवादीच्या भिवंडी लोकसभा प्रभारी पदी सुरेश म्हात्रे यांची नियुक्ती Suresh Mhatre appointed as Bhiwandi Lok Sabha in-charge of NCP | राष्ट्रवादीच्या भिवंडी लोकसभा प्रभारी पदी सुरेश म्हात्रे यांची नियुक्ती](https://d3pc1xvrcw35tl.cloudfront.net/images/840x630/balya-mama-0401_2024011151877.jpg)
राष्ट्रवादीच्या भिवंडी लोकसभा प्रभारी पदी सुरेश म्हात्रे यांची नियुक्ती
नितीन पंडित, लोकमत न्यूज नेटवर्क, भिवंडी: राष्ट्रवादी काँग्रेस पार्टी शरद पवार गटाच्या भिवंडी लोकसभा प्रभारी पदी सुरेश म्हात्रे उर्फ बाळ्या मामा यांची नियुक्ती करण्यात आली आहे. राष्ट्रवादीच्या शरद पवार गटाचे पक्षाचे अधिवेशन शिर्डी येथे सुरू असून या ठिकाणी शरद पवार यांनी बाळ्या मामा यांची भिवंडी लोकसभा प्रभारी पदी नियुक्ती केली आहे.म्हात्रे यांच्या नियुक्तीने बाळ्या मामा यांच्या समर्थकांमध्ये आनंदाचे व उत्साहाचे वातावरण पसरले आहे.
बाळ्या मामा हे केंद्रीय पंचायती राज राज्यमंत्री कपील पाटील यांचे कट्टर राजकीय विरोधक मानले जातात.राज्यात झालेल्या सत्तांतरानंतर म्हात्रे शिवसेनेच्या शिंदे गटात होते.मात्र शिंदे गट भाजप सोबत युतीत असल्याने लोकसभा निवडणुकीत कपिल पाटील यांच्या विरोधात निवडणूक लढवता येणार नसल्याने बाळ्या मामा गुरुवारी राष्ट्रवादीच्या शरद पवार गटात सामील झाले आहेत.शरद पवार हे भिवंडी लोकसभेसाठी आग्रही असून महाविकास आघाडीतून बाळ्या मामा यांना लोकसभेची उमेदवारी मिळाल्यास कपिल पाटील यांना बाळ्या मामा यांचे तगडे आव्हान असण्याची शक्यता राजकीय वर्तुळातून वर्तविली जात आहे.