ठाणे जिल्ह्यात कोरोनाचे ४३२ रुग्ण वाढले

लोकमत न्यूज नेटवर्क

ठाणे : जिल्ह्यात कोरोनाचे ४३२ रुग्ण शनिवारी आढळले असून, १८ जणांचा मृत्यू झाला. आतापर्यंत जिल्ह्यात पाच लाख ३० हजार ७२० बाधितांची नोंद झाली असून, मृतांची संख्या दहा हजार ६२९वर गेली आहे.

ठाणे शहरात ८६ रुग्ण आढळल्याने येथील रुग्णसंख्या आता एक लाख ३२ हजार ९४२ झाली. शहरात एक मृत्यू झाल्यामुळे मृत्यूंची संख्या दोन हजार तीन नोंदण्यात आली. कल्याण-डोंबिवलीत ९३ रुग्णांची वाढ झाली असून, एक मृत्यू झाल्याने आता एक लाख ३५ हजार ९९४ रुग्णांसह दोन हजार ५८७ मृत्यूंची नोंंद झाली.

उल्हासनगरला सहा रुग्ण सापडले असून, दोन मृत्यू झाले. येथे आता २० हजार ७४७ बाधितांसह ४९५ मृतांची नोंद आहे. भिवंडीला तीन बाधित असून, एकही मृत्यू नाही. येथे आता १० हजार ६०२ बाधित असून, मृतांची संख्या ४५६ झाली आहे. मीरा-भाईंदरमध्ये ४२ रुग्ण आढळले असून, दोन मृत्यू झाले आहेत. या शहरात बाधितांची संख्या ५० हजार ४५८ असून, मृतांची संख्या एक हजार ३२८ झाली.

अंबरनाथमध्ये १४ रुग्ण आढळल्याने आता बाधित १९ हजार ६८१ झाले असून, तीन मृत्यू झाले आहेत. येथील मृत्यूची संख्या ५१० झाली आहे. बदलापूरमध्ये १४ रुग्णांची नोंद झाल्यामुळे बाधित २१ हजार १३ झाले आहेत. येथे एकही मृत्यू झालेला नसल्याने मृत्यूंची संख्या ३४० आहे. ठाणे ग्रामीणमध्ये ४९ रुग्णांची वाढ झाली असून, तीन मृत्यू झाले. आता बाधित ३९ हजार ४९, तर आतापर्यंत एक हजार १७६ मृत्यू झाले आहेत.