Thane: दारूसाठी पैसे न दिल्याने ठाण्यात टेम्पो चालकाची चाकूने भोसकून हत्या, दारुड्या आरोपीस अटक
By जितेंद्र कालेकर | Published: October 22, 2023 11:08 PM2023-10-22T23:08:44+5:302023-10-22T23:11:26+5:30
Thane: दारू पिण्यासाठी पैसे न दिल्याच्या रागातून सनी धर्मवीर बैद (३२ , रा. भैय्यापाडा रामनगर, वागळे इस्टेट, ठाणे) या मद्यपीने विजय विक्रमादित्य चौहान (२९) या टेम्पो चालकाची धारदार सुर्याने पोटात चाकू भोसकून हत्या केल्याची घटना रविवारी पहाटे १ वाजण्याच्या सुमारास घडली.
Thane: दारूसाठी पैसे न दिल्याने ठाण्यात टेम्पो चालकाची चाकूने भोसकून हत्या, दारुड्या आरोपीस अटक
- जितेंद्र कालेकर
ठाणे - दारू पिण्यासाठी पैसे न दिल्याच्या रागातून सनी धर्मवीर बैद (३२ , रा. भैय्यापाडा रामनगर, वागळे इस्टेट, ठाणे) या मद्यपीने विजय विक्रमादित्य चौहान (२९) या टेम्पो चालकाची धारदार सुर्याने पोटात चाकू भोसकून हत्या केल्याची घटना रविवारी पहाटे १ वाजण्याच्या सुमारास घडली. यातील आरोपी सनी याला श्रीनगर पोलिसांनी अवष्घ्या काही तासांमध्येच अटक केली असून त्याला २६ आॅक्टोबरपर्यंत पोलिस कोठडीत ठेवण्याचे आदेश ठाणे न्यायालयाने दिले आहेत.
यातील विजय चौहान हा २२ ऑक्टोबर रोजी पहाटे १ वाजण्याच्या सुमारास रामनगर भागातील डगलाईनच्या नाल्याजवळ लघुशंका करण्यासाठी गेला होता. यावेळी सध्या बेकार असलेला चालक सनी बैद हा चालक दारूच्या नशेत आला. त्याने विजयकडे दारू पिण्यासाठी पैसे मागितले. त्यावेळी विजयने पैसे देण्यास नकार दिला. याचाच राग आल्याने सनी याने धारदार सुरा विजयच्या पोटात भोकसून त्याला गंभीर जखमी केला. त्यातच त्याचा मृत्यू झाला. वरिष्ठ पोलिस निरीक्षक किरणकुमार कबाडी यांच्या पकाने आरोपी सनी याला अटक करुन त्याच्याकडील रक्ताने माखलेला सुराही जप्त केला.