Thane: ठाणे प्रीमियर लीग टी २० क्रिकेट स्पर्धेत ठाणे वॉरियर्सचा विजय

Thane Cricket News: सांघिक प्रयत्नांच्या जोरावर ठाणे वॉरियर्स क्रिकेट अकॅडमीने स्पोर्ट्समन क्रिकेट अकॅडमीचा सात विकेट्सनी पराभव करत महाराष्ट्र माझा सेवा संस्था आयोजित १२ व्या ठाणे प्रीमियर लीग टी २० क्रिकेट स्पर्धेत विजयी सुरुवात केली.

- प्रज्ञा म्हात्रे 
ठाणे - सांघिक प्रयत्नांच्या जोरावर ठाणे वॉरियर्स क्रिकेट अकॅडमीने स्पोर्ट्समन क्रिकेट अकॅडमीचा सात विकेट्सनी पराभव करत महाराष्ट्र माझा सेवा संस्था आयोजित १२ व्या ठाणे प्रीमियर लीग टी २० क्रिकेट स्पर्धेत विजयी सुरुवात केली. गोलंदाजांनी स्पोर्ट्समन क्रिकेट क्लबला १२९ धावांवर रोखल्यावर फलंदाजांनी आक्रमक फलंदाजी करत ११,२ षटकात १३१ धावा करत ठाणे वॉरियर्स क्रिकेट अकॅडमीने विजय निश्चित केला.

प्रथम फलंदाजी करणे स्पोर्ट्समन क्रिकेट क्लबसाठी फायदेशीर ठरले नाही. गौरव भानुशाली (३४), अकिब शेख (३०) आणि कौशिक खरातने (१८) धावा जमवत संघाला सावरले. या डावात झैद पाटणकर तीन, योगेश पाटील दोन, अर्जुन रावत आणि पार्थ चंदनने प्रत्येकी एक बळी मिळवला. विजयासाठी माफक धावांचे आव्हान ठाणे वॉरियर्स क्रिकेट अकॅडमीने ११.२ षटकात तीन फलंदाजांच्या मोबदल्यात १३१ धावांसह पार केले. यंदाच्या रणजी करंडक विजेत्या मुंबई संघातील अजित यादवने १५ चेंडूत ५ षटकार ठोकत विजयाचे लक्ष्य गाठून देण्यात मोलाची भूमिका बजावली. रमणप्रीत सिंगने ३३, ओम केशकामतने नाबाद ३१ आणि संवेद व्यवहारेने नाबाद ११ धावांची खेळी केली. गौरव सूर्यवंशीने आणि सैफ शेखने एक फलंदाज बॅड केला. अजित यादवला सामन्यातील सर्वोत्तम खेळाडूचा पुरस्कार देऊन गौरवण्यात आले. 

संक्षिप्त धावफलक : स्पोर्ट्समन क्रिकेट क्लब : १९.५ षटकात सर्वबाद १२९ (गौरव सूर्यवंशी ३४, अकिब शेख ३०, कौशिक खरात १८, झैद पाटणकर ३.५ - २२-३, योगेश पाटील ३-१८-२, अर्जुन रावत ३-२१-१, पार्थ चंदन ४-२१-१) पराभूत विरुद्ध ठाणे वॉरियर्स क्रिकेट अकॅडमी : ११.२ षटकात ३ बाद १२१ ( अजित यादव ४२, रमणप्रीत सिंग ३३, ओम केशकामत नाबाद २२ संवेद व्यवहारे नाबाद ११,गौरव सूर्यवंशी २-१५-२, सैफ शेख १.२-१५-१). सामनावीर : अजित यादव .