Thane: भिवंडीत अवकाळी पावसाची हजेरी; उकाड्याने हैराण नागरिकांना पावसाने दिला गारवा
By नितीन पंडित | Published: May 13, 2024 06:27 PM2024-05-13T18:27:41+5:302024-05-13T18:29:05+5:30
Bhiwandi Rain News: सोमवारी दुपारनंतर अवकाळी पावसाने हजेरी लावल्याने नागरिकांची एकच त्रेधा तिरपीट उडाली होती. तर अवकाळी पडलेल्या या पावसाने नागरिकांना काहीसा दिलासा व गारवा दिला आहे.
Thane: भिवंडीत अवकाळी पावसाची हजेरी; उकाड्याने हैराण नागरिकांना पावसाने दिला गारवा
- नितीन पंडित
भिवंडी - सोमवारी दुपारनंतर अवकाळी पावसाने हजेरी लावल्याने नागरिकांची एकच त्रेधा तिरपीट उडाली होती. तर अवकाळी पडलेल्या या पावसाने नागरिकांना काहीसा दिलासा व गारवा दिला आहे.
येत्या तीन दिवसात महाराष्ट्रातील वेगवेगळ्या भागात पावसाची हजेरी लागणार असल्याचा अंदाज हवामान खात्याने दिल्यानंतर सोमवारी दुपारी अचानक भिवंडी शहर व ग्रामीण भागातील वातावरण बदलून जोरदार वाऱ्यासह पावसाने हजेरी लावली. अचानक आलेल्या पावसाने अनेकांची तारांबळ उडालेली होती. अचानक आलेल्या पावसाने ग्रामीण भागात वीटभट्ट्यांचे मोठे नुकसान झाले आहे.तर ग्रामीण भागात आंब्याच्या झाडां वरील आंबे गळून पडल्याने अनेकांचे नुकसान झाले.