ठाणे शहरातून तीन दुचाकी चोरीला

ठाणे : ठाण्यातील विविध तीन पोलीस ठाण्यांच्या हद्दीत तीन दुचाकी चोरीला गेल्याच्या घटना उघडकीस आल्या आहेत. याप्रकरणी नौपाडा, चितळसर आणि कापूरबावडी पोलीस ठाण्यात तक्रारी दाखल झाल्या आहेत.

पाचपाखाडी भागातील रहिवासी विशाल खोपटकर यांनी आपली दुचाकी याच भागातील दुकानासमोर उभी करून ठेवली होती. ती अनोळखी चोरट्यांनी पळवून नेली. ही घटना १८ मे रात्री ८ ते १९ मे सकाळी १० च्या सुमारास घडली. याप्रकरणी नौपाडा पोलिसांत तक्रार दाखल करण्यात आली आहे. तर दुसऱ्या घटनेत चितळसर पोलीस ठाण्याच्या हद्दीत अजर्न शहा यांनी आपल्या घराजवळ दुचाकी उभी केली होती. त्यांचीही दुचाकी चोरीला गेली आहे. याप्रकरणी चितळसर पोलीस ठाण्यात तक्रार दाखल करण्यात आली आहेत. तर तिसरी घटना कापूरबावडी पोलीस ठाण्याच्या हद्दीत घडली आहे. तेथील आझादनगरमध्ये राहणारे फिर्यादी यांनी आपली दुचाकी हायलॅण्ड, ढोकाळी येथे उभी केली होती. त्यांचीही दुचाकी चोरट्याने चोरून नेली आहे. याप्रकरणी कापूरबावडी पोलीस ठाण्यात तक्रार दाखल करण्यात आली आहे. दरम्यान, या तिन्ही गुन्ह्यांचा पोलीस तपास करीत आहेत.

------

रिक्षा चोरीला

ठाणे : ओवळा सिग्नलजवळील रस्त्याच्या कडेला उभी केलेली रिक्षा अनोळखी चोराने चोरून नेल्याची घटना उघडकीस आली आहे. पवई येथे राहणारे फिर्यादी यांनी ही रिक्षा उभी करून ठेवली होती. ही घटना १८ मेच्या रात्री ८.४५ ते १९ मेच्या सकाळी ६ च्या सुमारास घडली. याप्रकरणी कासारवडवली पोलीस ठाण्यात तक्रार दाखल करण्यात आली आहे. या प्रकरणाचा पुढील तपास पोलीस करीत आहेत.

------