चंद्रशेखर बावनकुळेFOLLOW

पुणे : येत्या निवडणुकीत विधानभवनावर भगवा फडकावायचा असेल, तर सर्वांनी घरोघरी जाऊन काम करावे. आपल्याला दोनशेच्यावर जागा मिळतील. मला घमंड नाही, तर आत्मविश्वास आहे. प्रत्येक बुथवर दहा मते वाढवा, आपला विजय निश्चित आहे, असे आवाहन भाजपचे प्रदेशाध्यक्ष चंद्रशेखर बावनकुळे यांनी केले. भाजपच्या प्रदेश कार्यकारिणीचे अधिवेशन बालेवाडीत आज सुरू आहे. त्यावेळी बावनकुळे यांनी प्रास्ताविक केले आणि कार्यकर्त्यांना मार्गदर्शन केले. यावेळी उपमुख्यमंत्री देवेंद्र फडणवीस, सरचिटणीस विनोद तावडे, पियूस गोयल आदी पदाधिकारी उपस्थित आहेत. बावनकुळे म्हणाले, लोकसभेला आपल्याला अनेक जागांवर पराभव स्वीकारावा लागला. पण मतांची आकडेवारी पाहिली तर थोड्या मतांनी आपल्या अनेक जागा गेल्या. आता विधानसभेला प्रत्येक बुधवर दहा मते वाढविली तर आपला विजय निश्चित आहे. विधनसभेत आपल्याला चांगले यश मिळेल. विरोधकांनी खोटेपणा करून लोकसभेत आपल्याला पराभूत केले. पण आता त्या पराभवातून आपण शिकलो आहोत. त्यांचा खोटेपणा उघड झाला आहे. खरंतर मराठा समाजासाठी देवेंद्रजींनी रात्ररात्रं काम केलं आहे. मराठ्यांना आरक्षण दिले तेव्हा देवेंद्रजी मुख्यमंत्री होते. मराठा समाजाच्या आरक्षणाचे खरे मारेकरी उद्धव ठाकरे आहेत. आज आंदोलन करताना देवेंद्रजी यांना टार्गेट केले जात आहे. मराठा आरक्षणाला आम्ही पाठिंबा देतोय. देवेंद्रजी यांनी जो कायदा केला, त्याचा मारेकरी शोधा. ओबीसीचे गेलेले काम एकनाथ शिंदे आणि देवेंद्रजी यांनी केले. निवडणुका झाल्या नाहीत, ते कोणामुळे थांबल्या. महाविकास आघाडीने पंचायत समितीच्या निवडणुका रोखल्या. गरीब कल्याण योजना ठाकरे सरकारने बंद केली. हे पाप ठाकरे सरकारने केले. ज्या दिवशी सरकार आले तेव्हापासून विकासाची २०-२० मॅच सुरू झालीय. उद्याचे महाविकास आघाडीला मत म्हणजे मोदींच्या योजना थांबविण्यासाठी असेल. म्हणून १४ कोटी जनतेला माझे आवाहन आहे की, असे करू नका. योजना बंद करू नका. आज घरोघरी जाऊन मोदी सरकारचे काम सांगायला हवे. लोकप्रिय योजना पुढे नेण्यासाठी काम करायचे आहे. मनात निराशा ठेवू नका. सर्वांनी नेटाने काम करावे. आपले नेते दणकट आहेत. कार्यकर्ता हा आपला श्वास आहे. इथून गेल्यावर प्रत्येक बुथवर जाऊन काम करायचे आहे. मतदार नोंदणी सुरू आहे.आपण पदासाठी काम करत नाही. महायुतीचा निर्णय होईल. कोण लढेल ते वरिष्ठ ठरवतील. पण आपल्याला पक्षासाठी काम करायचे आहे. चार महिने पक्षावर, नेतृत्वावर श्रद्धा ठेवा आणि काम करा. या निवडणुकी आपण शिकलोय आणि पुढच्या निवडणुकीत जिंकणार आहोत. फिरसे जितने का हौसला रखते है हम, असा आत्मविश्वास भाजपचे प्रदेशाध्यक्ष चंद्रशेखर बावनकुळे यांनी व्यक्त केला.

लाईव्ह न्यूज :

LIVE BLOG

विधानसभेचं 'महा'भारत

लोकमत POLL

शिंदेसेना Vs. ठाकरेसेना

पवार vs. पवार

फडणवीस फ्रंटफूटवर

रोखठोक राज ठाकरे

मोदींचे टार्गेट काँग्रेस

शरद पवार

उद्धव ठाकरे

शहरं

मनोरंजन

व्हिडीओ

चंद्रशेखर बावनकुळेFOLLOW

Read more

मुंबई : मध्यरात्रीच भाजपाच्या नेत्यांची बैठक, विधानसभेआधी मोठे बदल होणार? चंद्रशेखर बावनकुळे म्हणाले,...

महाराष्ट्र : “उद्धव ठाकरे अन् शरद पवार मराठा आरक्षणाचे मारेकरी”; चंद्रशेखर बावनकुळेंची टीका

नागपूर : राज्यात जागा घटल्या, तरी भाजप करणार मतदारांचे धन्यवाद

महाराष्ट्र : भाजपा महाराष्ट्रात काढणार धन्यवाद यात्रा; देवेंद्र फडणवीसच राज्यात नेतृत्व करणार

महाराष्ट्र : मुस्लिमांची मतं मिळाल्याचा अभिमान वाटत असेल तर... बावनकुळेंचा उद्धव ठाकरेंना टोला

नागपूर : 'वक्फ बोर्डाच्या जमिनी मूळ मालकांना परत मिळाव्या'; चंद्रशेखर बावनकुळे यांची मागणी

मुंबई : भाजपच्या मराठा आमदारांची आज बैठक, दिवसभर मंथन-चिंतन बैठकांचाही जोर

महाराष्ट्र : अजितदादांना महायुतीत घेऊन भाजपाचे नुकसान झाले? चंद्रशेखर बावनकुळेंचे सूचक विधान, म्हणाले...

नागपूर : रामटेकच्या पराभवाचे खरे व्हिलन बावनकुळेच, महायुतीत वादाची ठिणगी

महाराष्ट्र : देवेंद्र फडणवीसांना पद सोडण्याचा पक्षाचा आदेश नाही