मोबाइल मराठी बातम्या | Mobile, Latest News & Live Updates in Marathi | Marathi News (ताज्या मराठी बातम्या) at Lokmat.com

नांदेड : सोशल मीडियावर अनोळखी तरुणींकडून सेक्सटॉर्शनच्या जाळ्यात ओढण्याचे प्रकार वाढतच आहेत. अशातच सेक्सटॉर्शनमध्ये अडकलेला एक तरुण चार दिवसांपूर्वी घर सोडल्यानंतर आत्महत्येचा विचार करीत होता. बसस्थानक परिसरात गस्तीवर असलेल्या वजिराबाद पोलिसांची त्याच्यावर नजर पडली. स्वत: परभणीचा असल्याचे सांगितल्यानंतर परभणीचा खासदार कोण? याचे उत्तर मात्र त्याला देता आले नाही, त्यानंतर पोलिसांनी समुपदेशन करुन कुटुंबीयांच्या ताब्यात दिले. तरुणाने आईच्या मोबाइलवरून काही दिवसांपूर्वी एका युवतीशी संपर्क केला होता. व्हिडिओ कॉलच्या माध्यमातून तरुणीने नग्न अवस्थेत संवाद साधला. तरुणानेही तिला प्रतिसाद दिला. त्यानंतर सदरील तरुणीने आक्षेपार्ह व्हिडिओ आई आणि इतर कुटुंबीयाकडे पाठविण्याची धमकी दिली. त्यानंतर तरुणाने आईच्या खात्यातून ३० हजार रुपये ऑनलाईन पाठविले. परंतु त्यानंतरही त्रास देणे सुरूच होते. त्यामुळे हताश झालेल्या तरुणाने आत्महत्येच्या विचारात चार दिवसांपूर्वी घर सोडले होते. शनिवारी रात्री वजिराबादचे पोउपनि. प्रवीण आगलावे आणि कर्मचारी संतोष बनसोडे हे गस्त घालत होते. त्यावेळी बसस्थानक परिसरात हा तरुण त्यांना आढळला. आगलावे यांनी त्याला जवळ बोलावून विचारपूस केली. त्या तरुणाने परभणीचा रहिवासी असल्याचे सांगितले. त्यानंतर आगलावे यांनी परभणीचा खासदार कोण? असा प्रश्न केला. परंतु त्याला उत्तर देता आले नाही. त्यानंतर आगलावे यांनी त्याला ठाण्यात आणले. ठाण्यात आल्यानंतर तरुणाने आपबिती सांगितली. घरी आईला काय सांगावे म्हणून आत्महत्येचा विचार करीत असल्याचे तो पोलिसांना म्हणाला. पोलिसांनी त्याचे समुपदेशन केले. त्यानंतर कुटुंबीयांशी संपर्क साधून त्यांच्या ताब्यात दिले. सेक्सटॉर्शनच्या तक्रारी देण्याचे आवाहन शहर व जिल्ह्यात रात्रीच्या वेळी उशिरापर्यंत ऑनलाईन राहत असलेल्या तरुणांना सेक्सटॉर्शनच्या जाळ्यात अडकविले जाते. सुरुवातीला जुजबी बोलणे करण्यात येते. त्यानंतर नग्नावस्थेत व्हिडिओ कॉल करण्यात येतो. समोरील व्यक्तीने प्रतिसाद दिल्यानंतर त्याचा व्हिडिओ रेकॉर्ड केला जातो. हा व्हिडिओ कुटुंबीय आणि मित्रांना पाठविण्याची धमकी देत पैशांची मागणी होते. परंतु अनेक प्रकरणात तक्रारीच दाखल होत नाहीत.

मोबाइलFOLLOW

Mobile, Latest Marathi News

iQOO Neo 6 स्मार्टफोनमध्ये 80W फास्ट चार्जिंग, 120Hz रिफ्रेश रेट आणि 64MP कॅमेरा देण्यात आला आहे. ...

Blackview नं आपले दोन नवीन रगड स्मार्टफोन सादर केले आहेत, जे मिल्ट्री ग्रेड डिजाईनसहा बाजारात आले आहेत. ...

ऑनरनं आपल्या स्मार्टफोन पोर्टफोलियोमध्ये तीन नव्या स्मार्टफोन्सची भर टाकली आहे. ...

OnePlus Ace Racing Edition स्मार्टफोन आता भारतात नव्या नावानं सादर केला जाऊ शकतो. ...

Realme C30 स्मार्टफोन लवकरच एंट्री लेव्हल स्मार्टफोनमध्ये सादर केला जाऊ शकतो. ...

Vivo T2x स्मार्टफोन Dimensity 1300 SoC, 6000mAh बॅटरी, 44W फास्ट चार्जिंग आणि 8GB RAM सह बाजारात आला आहे. ...

तरुणाने आईच्या मोबाइलवरून काही दिवसांपूर्वी एका युवतीशी संपर्क केला होता. ...