वर्षा गायकवाडFOLLOW

पुणे - राज्यात कोरोना रुग्णांची संख्या वाढत असल्याच्या पार्श्वभूमीवर शाळा आणि महाविद्यालये सुरु करण्यासंदर्भात पुन्हा विचारविनिमय होत आहे. तसेच, मुंबईतील लोकल सेवाही कार्यरत असावी का नाही, याबाबतही पुढील आठवड्यात निर्णय होईल. त्यामुळे, संभाव्य परीक्षांबाबतही चिंता व्यक्त करण्यात येत होत. त्याच पार्श्वभूमीवर एप्रिल आणि मे महिन्यात होणाऱ्या दहावी आणि बारावीच्या परीक्षांच्या तारखा जाहीर करण्यात आल्या आहेत. शिक्षण विभागाने यासंदर्भातील परिपत्रकर प्रसिद्ध केलंय. शिक्षणमंत्री वर्षा गायकवाड यांनी यापूर्वी जाहीर केल्याप्रमाणे दहावी आणि बारावीच्या परीक्षांसाठीच्या तारखा शिक्षण मंडळाकडून जाहीर करण्यात आल्या आहेत. त्यानुसार, बारावीची परीक्षा २३ एप्रिल २०२१ ते २१ मे २०२१ दरम्यान होणार आहे. तर दहावीची परीक्षा २९ एप्रिल २०२१ ते २० मे २०२१ दरम्यान होणार असल्याचं मंडळाने स्पष्ट केलं आहे. मुंबई , कोकण, पुणे , नागपूर, औरंगाबाद, अमरावती, नाशिक, लातूर आणि कोल्हापूर या नऊ विभागांमध्ये या परीक्षा एकाचवेळी घेतल्या जाणार आहेत. महाराष्ट्र शिक्षण मंडळाच्या अधिकृत संकेतस्थळावरही आजपासून म्हणजेच १६ फेब्रुवारी २०२१ पासून हे नवीन वेळापत्रक उपलब्ध करून देण्यात आले आहे. विद्यार्थ्यांना अभ्यासक्रमाचे नियोजन करता यावे, यासाठीही एप्रिल आणि मे महिन्यामधील लेखी परीक्षेचे संभाव्य वेळापत्रकाही जाहीर करण्यात आले आहे. करोनासंदर्भात केंद्र आणि राज्य शासनाबरोबरच आरोग्य विभागाने वेळोवेळी जारी केलेल्या मार्गदर्शक सूचनांचे काटेकोरपणे पालन करतच परीक्षा घेण्याची परवानगी देण्यात येत असल्याची माहिती शालेय शिक्षणमंत्री वर्षा गायकवाड यांनी दिलीय. कोरोनामुळे यंदा देशातील शिक्षण विभागाचं गणित कोलमडलं असून शैक्षणिक वर्ष सुरळीत करण्याचे प्रयत्न शिक्षण विभागातर्फे सुरू आहेत. ऑनलाइन वर्गावर भिस्त ठेवून आता परीक्षांची तयारी विभागाने सुरू केली आहे. बारावीच्या परीक्षांचा निकाल हा जुलै महिना संपण्याआधी लावण्याचा मंडळाचा प्रयत्न असून दहावीचे निकाल ऑगस्ट महिना संपण्याआधी लावण्यासाठी प्रयत्न सुरु असल्याचे वर्षा गायकवाड यांनी यापूर्वी स्पष्ट केलं होतं. इयत्ता १० वीची परीक्षा केव्हा?इयत्ता दहावीची परीक्षा २९ एप्रिल ते २० मे २०२१ च्या दरम्यान घेतली जाईल. तर निकाल ऑगस्ट २०२१ च्या अखेरीस जाहीर केला जाणार आहे. इयत्ता १२ वीची परीक्षा केव्हा?इयत्ता बारावीची परीक्षा २३ एप्रिल ते २१ मे २०२१ दरम्यान घेतली जाईळ. तर निकाल जुलै २०२१ च्या अखेरीस जाहीर केला जाईल.

लाईव्ह न्यूज :

LIVE BLOG

विधानसभेचं 'महा'भारत

लोकमत POLL

शिंदेसेना Vs. ठाकरेसेना

पवार vs. पवार

फडणवीस फ्रंटफूटवर

रोखठोक राज ठाकरे

मोदींचे टार्गेट काँग्रेस

शरद पवार

उद्धव ठाकरे

शहरं

मनोरंजन

व्हिडीओ

वर्षा गायकवाडFOLLOW

Read more

मुंबई : फी न भरल्यामुळे एकही विद्यार्थी शिक्षणापासून वंचित राहता कामा नये, वर्षा गायकवाड यांचे आश्वासन

छत्रपती संभाजीनगर : होय, शालेय शुल्क वसुलीच्या तक्रारी मोठ्या प्रमाणावर : वर्षा गायकवाड

वाशिम : प्रत्येक विद्यार्थ्यांपर्यंत शिक्षण पोहचवा - शिक्षणमंत्री वर्षा गायकवाड

अहिल्यानगर : केंद्राच्या सूचनेनंतरच शाळांबाबत निर्णय, शिक्षणमंत्र्यांची माहिती

वाशिम : थेट विद्यार्थ्यांपर्यंत शिक्षण पोहोचविण्यास कटिबद्ध, शिक्षणमंत्री गायकवाड यांची पत्रकारांना माहिती

मुंबई : विद्यार्थ्यांना शिक्षण हक्कापासून वंचित ठेवायचे?- वर्षा गायकवाड

चंद्रपूर : शिक्षकांना पेन्शन नाकारणारी १० जुलैची अधिसूचना मागे घेण्याच्या हालचाली

महाराष्ट्र : CoronaVirus News: मोठी बातमी! पहिली ते बारावीच्या अभ्यासक्रमात 25 टक्क्यांनी कपात

मुंबई : तुर्तास विद्यार्थ्यांना ऑनलाईनच शिक्षण, शासनाकडून मार्गदर्शक सूचनांचा अध्यादेश