चातुर्मासFOLLOW

Ashwin Sankashti Chaturthi October 2024: मराठी वर्षांत चातुर्मास काळाला अनन्य साधारण असे महत्त्व आहे. दिवाळीनंतर काहीच दिवसांनी म्हणजेच कार्तिक एकादशीला चातुर्मासाची सांगता होईल. तत्पूर्वी म्हणजे अश्विन महिन्यात येणारी संकष्टी चतुर्थी ही चातुर्मासातील शेवटची संकष्ट चतुर्थी आहे. गणेशाची शाश्वत भक्ती लाभण्यासाठी गणपती उपासक प्रत्येक महिन्यातील संकष्ट चतुर्थीला गणेशाचे व्रत करतात. अश्विन महिन्यातील संकष्ट चतुर्थी अनेकार्थाने महत्त्वाची मानली जाते. या संकष्ट चतुर्थीचे व्रताचरण कसे करावे? शुभ मुहूर्त, चंद्रोदयाची वेळ जाणून घेऊया...गणपती बाप्पा हे आबालवृद्धांचे आराध्य दैवत! संकष्ट चतुर्थी हे व्रत कोणाही करू शकतो. प्रत्येक मराठी महिन्याच्या वद्य चतुर्थीला उपवास करून गणेशाची आराधना करण्याची परंपरा आदिकालापासून सुरू आहे. प्रत्येक संकष्टीला गणेशभक्त आपापल्या परिने आणि पद्धतीने गणपती बाप्पाला भजत-पूजत असतात. गणेश व्रतांमध्ये संकष्ट चतुर्थीचे व्रत सर्वोच्च आणि सर्वश्रेष्ठ मानले जाते. हे व्रत आचरल्यामुळे विघ्नहर्ता बाप्पा लवकर शुभफल देतो, अशी मान्यता आहे. रविवार, २० ऑक्टोबर २०२४ रोजी अश्विन महिन्यातील संकष्ट चतुर्थी आहे.संकष्ट चतुर्थी व्रताची थोरवीसंकष्ट चतुर्थीचे व्रत एक काम्यव्रत आहे. हे व्रत फार प्राचीन आहे. हजारो वर्षे हे व्रत भारतवर्षात निष्ठेने पाळले जाते. यातूनच या व्रताची थोरवी दिसून येते. या दिवशी दिवसभर उपवास करून रात्री चंद्रोदयानंतर चंद्राचे दर्शन झाल्यावर त्याला नमस्कार करून ताम्हनात अर्घ्य द्यावे. नंतर गणपतीला नैवेद्य दाखवून आरती करून उपास सोडावा. उपास सोडताना गणपतीला आवडणारे लाडू, मोदक असे पदार्थ नैवेद्यासाठी केले जातात. दाशरथी करक संकष्ट चतुर्थी व्रत पूजा विधीअश्विन कृष्ण पक्षातील चतुर्थी दाशरथी चतुर्थी आणि करक चतुर्थी या नावानेही ओळखली जाते. दाशरथी चतुर्थीला दशरथ राजाचे स्मरण करून व्रत केले जाते. तर उत्तर भारतात या दिवशी करवा चौथ व्रत करण्याची परंपरा आहे. करवा चौथ व्रताला अतिशय महत्त्व असून, ते मोठ्या प्रमाणावर केले जाते. याच दिवशी संकष्ट चतुर्थी असल्याचे त्याचे महत्त्वही वाढले आहे. संकष्ट चतुर्थीच्या दिवशी सकाळी लवकर उठून स्नान करावे. दिवसभर उपवास करावा. गणपती बाप्पाची षोडशोपचार पूजा करावी. शुद्ध पाण्याने गणपतीच्या मूर्तीचा अभिषेक करावा. अभिषेक करतेवेळी अथर्वशीर्ष पाठ असल्यास २१ वेळा आवर्तन करावे, अन्यथा ‘ॐ गं गणपतये नम:’ या मंत्राचा १०८ वेळा जप करावा. यानंतर फुले अर्पण करावीत. धूप, दीप, नेवैद्य अर्पण करून गणेशाचे नामस्मरण करावे. प्रसाद ग्रहण करून त्याचे वाटप करावे. यानंतर रात्री चंद्रोदयाची वेळ पाहावी आणि धूप, दीप लावून गणपती बाप्पाला नैवेद्य दाखवावा. चंद्रदर्शन घेऊन चंद्राला अर्घ्य द्यावे आणि गणपतीची आरती म्हणून जास्वंदाची फुले आणि दूर्वा वाहून उपवास सोडावा. अगदीच शक्य नसल्यास एकदातरी भक्तिभावाने अथर्वशीर्ष म्हणावे अथवा श्रवण करावे.विविध शहरांतील चंद्रोदय वेळ शहरांची नावेचंद्रोदयाची वेळमुंबईरात्रौ ०८ वाजून ३५ मिनिटेठाणेरात्रौ ०८ वाजून ३४ मिनिटेपुणेरात्रौ ०८ वाजून ३२ मिनिटेरत्नागिरीरात्रौ ०८ वाजून ३८ मिनिटेकोल्हापूररात्रौ ०८ वाजून ३५ मिनिटेसातारारात्रौ ०८ वाजून ३३ मिनिटेनाशिकरात्रौ ०८ वाजून २८ मिनिटेअहमदनगर (अहिल्यानगर)रात्रौ ०८ वाजून २७ मिनिटेधुळेरात्रौ ०८ वाजून २२ मिनिटेजळगावरात्रौ ०८ वाजून १९ मिनिटेवर्धारात्रौ ०८ वाजून ०७ मिनिटेयवतमाळरात्रौ ०८ वाजून ०९ मिनिटेबीडरात्रौ ०८ वाजून २३ मिनिटेसांगलीरात्रौ ०८ वाजून ३३ मिनिटेसावंतवाडीरात्रौ ०८ वाजून ३८ मिनिटेसोलापूररात्रौ ०८ वाजून २५ मिनिटेनागपूररात्रौ ०८ वाजून ०३ मिनिटेअमरावतीरात्रौ ०८ वाजून १० मिनिटेअकोलारात्रौ ०८ वाजून १३ मिनिटेऔरंगाबाद (छत्रपती संभाजीनगर)रात्रौ ०८ वाजून २२ मिनिटेभुसावळरात्रौ ०८ वाजता १८ मिनिटेपरभणीरात्रौ ०८ वाजून १८ मिनिटेनांदेडरात्रौ ०८ वाजून १५ मिनिटेधाराशीवरात्रौ ०८ वाजून २३ मिनिटेभंडारारात्रौ ०८ वाजून ०१ मिनिटेचंद्रपूररात्रौ ०८ वाजून ०६ मिनिटेबुलढाणारात्रौ ०८ वाजून १७ मिनिटेमालवणरात्रौ ०८ वाजून ३९ मिनिटेपणजीरात्रौ ०८ वाजून ३९ मिनिटेबेळगावरात्रौ ०८ वाजून ३५ मिनिटेइंदौररात्रौ ०८ वाजून १३ मिनिटेग्वाल्हेररात्रौ ०७ वाजून ५४ मिनिटे

लाईव्ह न्यूज :

EXIT POLL

विधानसभेचं 'महा'भारत

अदानी अडचणीत

शिंदेसेना Vs. ठाकरेसेना

पवार vs. पवार

देवेंद्र फडणवीस

शरद पवार

उद्धव ठाकरे

राज ठाकरे

शहरं

मनोरंजन

व्हिडीओ

चातुर्मासFOLLOW

Read more

ज्योतिष : आजचे राशीभविष्य: ६ राशींना धनलाभ योग, कामात उत्तम यश; फायद्याचा आनंदी दिवस

भक्ती : गजकेसरी पंचराजयोगात संकष्ट चतुर्थी: ५ राशींना यश, सरकारी लाभ; प्राप्तीत वाढ, सर्वोत्तम काळ!

भक्ती : संकष्ट चतुर्थी: चंद्रोदयाची वेळ काय? व्रताचरण कसे करावे? पाहा, महत्त्व, मान्यता अन् महात्म्य

भक्ती : गजकेसरी महालक्ष्मी योग: ८ राशींना बंपर लाभ, शेअर बाजारात नफा; दिवाळीत ऐश्वर्य-वैभव वृद्धी!

भक्ती : ८० वर्षांनी संकष्टी चतुर्थीला ५ राजयोग: १० राशींना लाभ, धनलक्ष्मी कृपा; अपार यश, शुभच होईल!

भक्ती : भौम प्रदोष: ९ राशींचे महादेव मंगलच करतील, नवनवीन संधी; नोकरीत बढती-पगारवाढ, व्यापारात भरभराट

भक्ती : भौम प्रदोष: ‘असे करा’ व्रत, महादेव होतील प्रसन्न; मंगळ दोषातून दिलासा, हनुमंत करतील कृपा

भक्ती : कोजागरी नवान्न पौर्णिमा: ५ राशींना अनुकूल, नोकरी-व्यापारात यश; इच्छापूर्ती, सुख-सौभाग्य काळ!

भक्ती : कोजागरी पौर्णिमेला बुधादित्य राजयोग: ८ राशींवर धनलक्ष्मी प्रसन्न, पैशांची बचत शक्य; लाभच लाभ!

भक्ती : गुरु-शुक्र समसप्तक योग: ७ राशींना दसरा शुभ, मालामाल व्हाल; दिवाळीला धनलक्ष्मी प्रसन्न होईल!