गोवा विधानसभा निवडणूक २०२२FOLLOW

प्रसाद म्हांबरे, लोकमत न्यूज नेटवर्कम्हापसा : थिवी मतदार संघातून २००७ साली राष्ट्रवादीच्या उमेदवारीवर निवडून येऊन नंतर मंत्री झालेले विद्यमान आमदार नीळकंठ हळर्णकर यांचा हा एकमेव अपवाद वगळता तालुक्यातून राष्ट्रवादी काँग्रेसला लक्षवेधक कामगिरी करून दाखवता आली नाही. गेल्या दोन निवडणुकीत तर पक्षाकडून रिंगणात उतरवलेल्या उमेदवारांना निराशजनक कामगिरीबरोबर अनामत रक्कम जप्त होण्यास सामोरे जावे लागले आहे. आता तर बार्देशात पक्षाची पाटी कोरीच राहिली. २००७ सालच्या निवडणुकीवेळी राष्ट्रवादी तसेच काँग्रेस पक्षाच्या झालेल्या युतीच्या जोरावर राज्यातून राष्ट्रवादीचे तीन उमेदवार विधानसभेवर निवडून आले होते. त्यात थिवी मतदार संघातून तत्कालीन आमदार नीळकंठ हळर्णकर यांचा समावेश होता. त्यावेळी त्यांनी प्रतिस्पर्धी भाजप उमेदवार सदानंद तानावडे यांचा अटीतटीच्या लढतीत सुमारे ३५० मतांनी पराभव केला होता. राष्ट्रवादीचे हे एकमात्र यश वगळता त्यानंतरच्या निवडणुकीत त्यांच्या पदरी अपयशच पडले आहे. नीळकंठ हळर्णकरांच्या या विजयानंतर २०१२ च्या निवडणुकीत त्यांना थिवीतून भाजप उमेदवार किरण कांदोळकरांकडून पराभवाचा सामना करावा लागला. या निवडणुकीत राष्ट्रवादीचे साळगाव, म्हापसा तसेच पर्वरी या इतर तीन मतदार संघातून उमेदवार उतरवले होते; पण मतदारांवर ते आपला प्रभाव टाकू शकले नाहीत. त्यामुळे त्या निवडणुकीपासूनच ताकद कमी झाली. पुन्हा २०१७ च्या निवडणुकीवेळी राष्ट्रवादीकडून उमेदवार रिंगणात उतरवण्यात आले. यात शिवोली, थिवी, म्हापसा तसेच हळदोणा या मतदारसंघांचा त्यात समावेश होता. मात्र पक्षाच्या उमेदवारांचा उल्लेख करावा, अशी कामगिरी करुन दाखवता आली नाही. अवघी काही मते त्यांच्या पदरात पडल्याने उमेदवारांची निराशजनक कामगिरी दिसून आली. कळंगुट मतदारसंघातून तर या पक्षाला रिंगणात उतरवण्यासाठी अद्यापपर्यंत उमेदवार सापडू शकला नाही. गट स्तरावर अस्तित्व शून्य राष्ट्रवादीच्या अपयशाला विविध कारणे असली तरी त्यातील प्रमुख कारण म्हणजे गट स्तरावरील पक्षाची कामगिरी. काही मतदार संघातून पक्षाच्या समित्यासुद्धा अस्तित्वात असल्याचे दिसून येत नाही. जे कार्यकर्ते आहेत त्यांचे नावापुरते कार्य आहे.हळर्णकर भाजपमध्ये २००७ साली राष्ट्रवादीचे आमदार म्हणून निवडून आलेल्या नीळकंठ हळर्णकर यांनी पुन्हा २०१२ ची निवडणूक राष्ट्रवादीच्या उमेदवारीवर लढवली. त्यानंतर २०१७ ची निवडणूक त्यांनी काँग्रेसच्या उमेदवारीवर लढवली. तर आता ते भाजपच्या उमेदवारीवर निवडणूक लढवत आहेत. पक्षाने आपल्याकडील नेते, कार्यकर्ते टिकावेत यासाठी काहीच प्रयत्न केले नाहीत, असेच दिसते.इतरांनी उमेदवारी नाकारली की...इतर पक्षाकडून उमेदवारी नाकारलेल्या उमेदवारांनी पर्याय म्हणून शेवटच्या क्षणी राष्ट्रवादीच्या उमेदवारीवर रिंगणात उतरवण्याचा निर्णय घेऊन निवडणूक लढवली. त्याचेही परिणाम पक्षावर झाले. अशाने तालुक्यात कोठेही कार्यकर्त्यांची नवी फळी तयार होऊ शकली नाही. कार्यकर्ते नसल्याने बूथ स्तरावर काम करण्याचा प्रश्नच येत नाही. उत्तर गोवा जिल्ह्यात पक्षाचे अस्तित्व नगण्य राहिले आहे. निवडणुकीच्या काळात राज्यात येणाऱ्या महाराष्ट्रातील नेत्यांनीही फारसे काही केलेले नाही.

लाईव्ह न्यूज :

LIVE BLOG

महाराष्ट्रात कुणाचं सरकार?

महायुती की मविआ?

शिंदेसेना Vs. ठाकरेसेना

पवार vs. पवार

देवेंद्र फडणवीस

शरद पवार

उद्धव ठाकरे

राज ठाकरे

नाना पटोले

EXIT POLL

शहरं

मनोरंजन

व्हिडीओ

गोवा विधानसभा निवडणूक २०२२FOLLOW

Read more

गोवा : Goa Election 2022: मगोतर्फे कुडचडेत आनंद प्रभुदेसाई यांना उमेदवारी

गोवा : Goa Election 2022: उत्पल पर्रिकर इन अ‍ॅक्शन! काँग्रेसच्या उदय मडकईकरना भेटले; पणजीत पाठिंबा देण्याची केली विनंती

गोवा : Goa Election 2022: पणजीत ‘काँटे की टक्कर’! उत्पलच्या भूमिकेमुळे भाजपसमोर आव्हान; पर्रिकर समर्थक सुखावले

गोवा : Goa Election 2022: “…तर उत्पल पर्रिकरांसाठी शिवसेना पणजीतील उमेदवार मागे घेणार”; संजय राऊतांचे संकेत

गोवा : Goa Election 2022: मनधरणी फळली! ‘त्या’ मतदारसंघाचा प्रश्न सुटला; भाजप नेते निवडणूक लढवण्यात अखेर तयार

गोवा : Goa Election 2022: भाजपमध्ये मोठा भूकंप! उत्पल पर्रीकरनी पक्ष सोडला; पार्सेकरही अपक्ष लढणार

गोवा : Goa Election 2022, Shivsena vs Congress: राहुल अन् प्रियंका गांधींकडून मला आत्मविश्वास उधार घ्यावा लागेल; संजय राऊतांनी लगावला टोला

गोवा : Goa Election 2022: “भाजपने उत्पल पर्रिकरांचा केलेला अपमान गोवेकर विसरणार नाहीत”; संजय राऊतांची टीका

गोवा : Goa Election 2022: भाजपला रामराम केल्यानंतर उत्पल पर्रिकरांचे नारायण राणेंना पत्र; म्हणाले...