Haryana Assembly Election 2024 | Haryana Assembly Election 2024 Live | Haryana Election 2024 Result | Haryana Assembly Election 2024 Live Updates

राकेश जोशी, लोकमत न्यूज नेटवर्कचंडीगड : मे महिन्याच्या शेवटच्या आठवड्यात हरयाणात लोकसभेच्या दहा जागांसाठी मतदान होणार आहे. भाजपने उमेदवार जाहीर करून प्रचाराला सुरुवात केली असताना या राज्याचे माजी उपमुख्यमंत्री दुष्यंत चौटाला रणांगणात दिसत नसल्याने ते राजकीय अज्ञातवासात आहेत की, पडद्यामागचे सूत्रधार याबाबत चर्चांना उधाण आले आहे.इंडियन नॅशनल लोकदलपासून वेगळे होऊन स्थापन झालेला दुष्यंत चौटाला यांचा जननायक जनता पक्ष राज्यातील सत्तेतून पायउतार होताच विस्कळीत झाला. पक्षाचे एकेक नेते पक्ष सोडत आहेत. हरयाणात भाजपसोबतची युती तोडल्यानंतर जेजेपीला ग्रहण लागल्याचे दिसत असताना दुष्यंत चौटालाही राजकारणातून हद्दपार झाल्याचे चित्र आहे.आयएनएलडीपासून फारकत घेऊन जेजेपीची स्थापना झाली. २०१९ मध्ये झालेल्या विधानसभा निवडणुकीत जेजेपीने १० जागा जिंकत भाजपसोबत सरकार चालवले. दुष्यंत चौटाला उपमुख्यमंत्री बनले. भाजपशी असलेली युती तुटल्यानंतर जेजेपी पक्ष अक्षरश: मोडकळीस आला. त्यामुळे दुष्यंत चौटाला यांचे राजकीय अस्तित्व संपले का, असा सवाल उपस्थित होत आहे.मातोश्रींना मागावी लागली माफीअल्पवयात राजकारणात आलेल्या दुष्यंत चौटाला यांना पक्षापासून रस्त्यापर्यंत संघर्ष करावा लागत आहे. सत्तेत असताना, नसताना ते टीकेचे धनी बनले. विशेषत: शेतकरी आंदोलनकर्त्यांच्या रोषाला त्यांना सामोरे जावे लागले.आंदोलनकर्त्यांचा रोष प्रचंड असल्याने त्यांना गाडीतून उतरावे लागले. अखेर त्यांच्या मातोश्री नैना चौटाला यांनी आंदोलनकर्त्यांची माफी मागावी लागली.सत्तेत असताना स्थानिक युवकांना शासकीय नोकरीत आरक्षण दिल्याचे वचन त्यांनी पाळले नसल्याचाही त्यांच्यावर आरोप आहे. महिला कॉन्स्टेबल भरतीवेळीही त्यांच्यावर टीका झाली.म्हणूनच हताश दुष्यंत म्हणतात...- जेजेपीचे वरिष्ठ उपाध्यक्ष या नात्याने माजी उपमुख्यमंत्री दुष्यंत चौटाला यांनी आपल्या पक्षातील नाराज नेत्यांची मनधरणी करण्याचे केलेले सर्व प्रयत्न अयशस्वी ठरले आहेत. - अनेक नेते अन्य पक्षांत प्रवेश करत असल्याने निराश चौटाला यांना त्यांच्या एक्स हँडलवर लिहावे लागले की, जेव्हा युद्ध स्वतःच्या लोकांशी होते तेव्हा ते हरणेच चांगले.

Haryana Assembly Election 2024 ResultFOLLOW

Haryana assembly election 2024, Latest Marathi News

Haryana Political Crisis: तीन अपक्ष आमदारांनी पाठिंबा काढून घेतल्यामुळे हरियाणातील भाजप सरकार अल्पमतात आले आहे. ...

अमरपुरी उर्फ जलेबी बाबा याची मंगळवारी रात्री अचानक तब्येत बिघडली. ...

लोकसभा निवडणुकीच्या पार्श्वभूमीवर भाजपला मोठा झटका बसला आहे. ...

मे महिन्याच्या शेवटच्या आठवड्यात हरयाणात लोकसभेच्या दहा जागांसाठी मतदान होणार आहे. ...