महेश काळे मराठी बातम्या | Mahesh Kale, Latest News & Live Updates in Marathi | Marathi News (ताज्या मराठी बातम्या) at Lokmat.com

विश्वास मोरेपिंपरी : दीपोत्सवातील लक्ष्मीपूजनाची बुधवारची पहाट अत्यंत विलक्षण आनंद देणारी ठरली. अभिजात शास्त्रीय संगीतातील अमोघ बंदिशी, राग दरबारी आणि नाट्यसंगीतातील लोकप्रिय रचना असा संगीतमय फराळ पिंपरी-चिंचवडकरांना अनुभवायला मिळाला. दिवाळी पहाटेला लोकमत आयोजित राष्ट्रीय पुरस्कारविजेते प्रसिद्ध गायक महेश काळे यांच्या स्वरचैतन्य मैफलीत रसिकांना निरागस सूरांची अनुभूती मिळाली.चिंचवड येथील शिवाजी उदय मंडळाच्या प्रांगणात लोकमत आयोजित युवराज ढमाले ग्रुप प्रस्तुत स्वरचैतन्य दिवाळी पहाट मैफल अविस्मरणीय ठरली. या कार्यक्रमाचे प्रायोजक फिनोलेक्स पाईप, पीएनजी हे होते, तर सहयोगी प्रायोजक राणी पुतळाबाई वुमेन्स लॉ कॉलेज, काका हलवाई हे होते. सहयोगी प्रायोजक लोकमान्य मल्टिपर्पज को आॅप. सोसायटी, बेव्हरेज पार्टनर ऊर्जा, आऊटडोअर पार्टनर धीरेंद्र अॅडव्हर्टायझिंग, रेडिओ पार्टनर रेडिओ सिटी हे होते.प्रारंभी लोकमतचे संस्थापक-संपादक आणि ज्येष्ठ स्वातंत्र्यसेनानी जवाहरलालजी दर्डा यांच्या प्रतिमेचे पूजन करून दीपप्रज्वलनाने मैफलीची सुरुवात झाली. मध्यांतरात कलावंतांचा सत्कार झाला. पहाटे तांबडं फुटण्याच्या वेळी गुलाबी थंडीत सुरांची मैफल सुरू झाली. मंचावर आकाशकंदील लावण्यात आले होते. तर मंचासमोर पणत्या पेटविल्या होत्या. हजारो दिव्यांनी परिसर उजळला होता. पहाटे पाचपासूनच रसिकांची मैदानावर गर्दी झाली होती. मैफल सुरू होण्याच्या वेळी मैदान रसिकांच्या गर्दीने फुलून गेले होते. अशा आनंददायी आणि आल्हाददायी वातावरणात मैफलीची सुरुवात झाली. संगीत कट्यार काळजात घुसली या चित्रपटाने घराघरांत पोहोचलेल्या राष्ट्रीय पुरस्कारप्राप्त गायक महेश काळे यांच्या गायनाने मैफल अविस्मरणीय झाली. पुरुषोत्तम धांगुर्डे यांचे ते शिष्य असून, त्यांनी अनेक देशांत भारतीय अभिजात शास्त्रीय संगीताचा प्रसार आणि प्रचार केला आहे. महेश काळे यांनी पूर्वार्धात शास्त्रीय गायन सादर केले. उत्तरार्धात नाट्यपदे सादर करून मैफल रंगतदार केली. ‘सूर निरागस हो....’ने मैफलीत बहार आणली. रसिकांनी अक्षरश: टाळ्या वाजवीत ताल धरला होता. ‘मोरया मोरया’ गजराने मोरयानगरीत आसमंत दणाणला. शास्त्रीय संगीतातील राग दरबारी आणि नाट्यसंगीतातील लोकप्रिय रचनांचा फराळ शहरवासीयांना मिळाला. दोन तास सूरांच्या मैफलीची जादू चिंचवडकरांनी अनुभवली. तरुण-तरुणींची गर्दी लक्षणीय होती. सूरांच्या जादूगारांसमवेत सेल्फी घेण्यासाठी झुंबड उडाली होती. ‘कैवल्याच्या चांदण्याला भुकेला चकोर...’ या भैरवीने मैफलीचा कलसाध्याय गाठला. भैरवीने मैफलीची सांगता झाली. वैभव खांडोळकर (तबला), आेंकार दळवी (पखावज), राजीव तांबे (संवादिनी), राहूल गोळे (आर्गन) ची साथ केली. मध्यंतरात कलावंतांचा गौरव करण्यात आला. महापौर राहूल जाधव, मंगलाताई जाधव, महापालिकेचे सह शहर अभियंता प्रवीण तुपे, अजय गोखले, राणी पुळाबाई वुमन लॉ कॉलेजचे कोमल साळुंखे, अजय साळुंखे, लोकमान्य मल्टिपर्पज बँकेच्या सुजाता बर्वे, लोकमतचे शाखा व्यवस्थापक मयूर केमसे, उप मुख्य उपसंपादक हणमंत पाटील आदी उपस्थित होते.तरूणाईची अलोट गर्दीचिंचवड हा परिसर रसिक प्रिय असून महेश काळे यांच्या दिवाळीपहाट मैफलीस रसिकांची अलोट गर्दी झाली होती. रसिक मिळेल त्या ठिकाणी बसले होते. हजारो रसिक उभे राहून मैफलीची आनंद घेत होते. रसिकामध्ये लहानमुले, तरूण आणि ज्येष्ठांचाही समोवश मोठा होता. त्यावरून तरूणाईला काळे यांच्या गायनाची मोहीनी आहे, याची प्रचिती येत होती. सेल्फी घेण्यासही गर्दी झाली होती. तरूणाईशी संवादतरूणांईचा उत्स्फूर्त प्रतिसाद पाहून महेश काळे यांनी तरूणाईशी संवाद साधला. शास्त्रीय आणि उपशास्त्रीय संगीताची मोहीनी दिवसेंदिवस वाढत आहे, याब्द्द्दल समाधान व्यक्त केले. संगीत आणि मानवी मनाचे नाते विषद केले.

महेश काळेFOLLOW

Mahesh kale, Latest Marathi News

महेश काळे आपल्या बहारदार गायकीने रसिकांची दिवाळी पहाट संस्मरणीय करणार आहेत .. ...