पीसीओडी मराठी बातम्या | pcod, Latest News & Live Updates in Marathi | Marathi News (ताज्या मराठी बातम्या) at Lokmat.com

डॉ. यशपाल गोगटे ( हार्मोन तज्ज्ञ)तरुण किंवा वाढीच्या वयात अनेक मुलींसमोरची एक भयंकर गंभीर समस्या म्हणजे चेहर्यावर लव असणं. ओठावर लव असणं. सतत थ्रेडींग करावं लागणं. त्यात ¨पंपल्स. हा त्रास तर मोठाच. वयात येताना चेहर्यावर पिंपल्स येणं तसं साहजिक आहे. मात्र अनेकींना हा त्रास भयंकर होतो. त्यामुळे त्यांचा आत्मविश्वासही कमी होतो. खोटं वाटेल पण जगभरात तरुण मुलांच्या आत्महत्येच्या कारणात दुसर्या क्रमांकावर पिंपल्स आहेत. आपण चांगलं दिसत नाही. चेहरा भरला आहे. वजन वाढतं आहे.मासिक पाळी नियमित नाही. इतर मुलींसारखा सुंदर चेहरा आपला दिसत नाही. असं सगळं त्रासाला कारणीभूत ठरणारं चक्र सुरु असतं. घरात आईवडीलही त्यानं हैराण होतात. या नाहीतर त्या डॉक्टरकडे मुलींना नेतात. व्यायाम कर म्हणतात, जीम लावून देतात. पण एकुण उपयोग शून्य. कारण या आजाराच्या मुळाशी नेमकं काय कारण आहे, हा त्रास कशानं होतोय याचं योग्य निदान होत नाही. आणि पीसीओडीची समस्या गंभीर होत जाते, त्यासह पिंपल्स आणि पुटकुळ्या-मुरमांचीही! पीसीओडीमुळे स्त्रियांमध्ये पुरूषांचं हार्मोन वाढलेलं असतं. आणि हे वाढलेलं पुरूषाचं हार्मोन स्त्रियांच्या शरीरामध्ये पुरूषासारखे अनेक बदल घडवत असतात. पीसीओडी किती गंभीर आहे हे त्या स्त्रीच्या शरीरात बनणार्या पुरूषाच्या टेस्टेस्टेरॉन या हार्मोनच्या प्रमाणावर अवलंबून असतं. बहुतेकवेळा जास्त प्रमाणात टेस्टेस्टेरॉन स्त्रवलं तर आजाराचं अधिक गंभीर स्वरूप दिसतं. जसे की पाळी येतच नाही. दाढी मिशासारखे चेहेर्यावर केस वाढलेले असतात. पुरूषाप्रमाणे टक्कल पडते. या टेस्टेस्टेरॉनचं प्रमाण अगदी काठावर वाढलेलं असेल तर चेहेर्यावर लव येणं, मुरूम पुटकुळ्या येणं, पाळी थोडीशी उशिरा येणं हे त्रास दिसू शकतात.हे सारं चक्र सुरु होतं तेव्हा त्याकडे दुर्लक्ष करणंही महागात पडू शकतं. कारण अनेकजणी आरोग्याच्या तक्रारींकडे दुर्लक्ष करुन सर्रास सौंदर्यप्रसाधनं वापरतात. गुगलवर अनेक गोष्टी शोधतात. घरच्याघरी काही उपाय करतात. मात्र यासार्याला जर हार्मोनल असंतुलन कारणीभूत असेल तर मात्र योग्य औषधोपचार करणंच गरजेचं असतं.पीसीओडी हे गंभीर आहे की नाही हे व्यक्तीगणिक अवलंबून असतं. उदा. दोन सख्या बहिणींना पीसीओडी असल तरी एकीला गंभीर तर दुसरीला थोडा/सौम्य प्रमाणात असू शकतो. या विविधतेकरता बहुतेककरून या टेस्टेस्टेरॉन हार्मोनच्या रिसेप्टरचे गुणधर्म जबाबदार असतात. टेस्टेस्टेरॉन हे हार्मोन कमी असूनही एखाद्यात जर रिसेप्टर संख्या जास्त असेल तरीही अशावेळेस एखादीमध्ये पीसीओडी हा गंभीर असू शकतो. त्यामुळे केवळ आपल्या चेहर्यावर लव आहे. पिंपल्स फार झालेत म्हणून वरवर लेप लावू नका. तुम्हाला पीसीओडीचा गंभीर धोका असू शकतो.( शब्दांकन -माधुरी पेठकर)

PCOD News in MarathiFOLLOW

Pcod, Latest Marathi News

पीसीओडीची समस्या महिलांमध्ये सगळ्यात जास्त वेगाने वाढताना दिसून येते. ...

पीसीओडी होऊच नये म्हणून प्रतिबंधात्मक उपाय करता येत नाहीत, पण उत्तम आरोग्यशैली राखता येते. ...

गुगल करकरुन प्रश्न तयार करणं आणि त्यांची उत्तरं शोधणं हेदखील पीसीओडीसारख्या आजारात घातक आहे. ...

औषधांचे दुष्परिणाम होतील म्हणून औषधच टाळणं हा गंभीर धोका आहे. ...

आपल्या चेहर्‍यावर लव आहे. पिंपल्स फार झालेत म्हणून वरवर लेप लावू नका. तुम्हाला पीसीओडीचा गंभीर धोका असू शकतो. ...