PCOS- PCOD | PCOS and PCOD in Marathi | Pcos- PCOD Symptoms | PCOS - PCOD - treatment | PCOS - PCOD Treatment Diet | PCOS- PCOD Causes

-डॉ. यशपाल गोगटे ( हार्मोन तज्ज्ञ)- पीसीओडी हा नक्कीच हार्मोनल आजार आहे. पीसीओडी म्हणजे नेमकं काय हे समजून घेणं आवश्यक आहे. सोप्या भाषेत सांगायचं झालं तर पीसीओडी म्हणजे स्त्रियांमध्ये पुरूषाचे वाढलेले संप्रेरकं अर्थातच हार्मोन.स्त्रियांच्या शरीरात पुरूषाचं हार्मोन वाढलं की पुरूषाचे सर्व फिचर म्हणजेच गुणधर्म दिसायला लागतात. जसे डोक्यावरचे केस कमी होणं, चेहेर्यावरचे केस वाढणं, पाळी अनियमित होणं किंवा बंद होणं, स्वभाव चिडचिडा होणं, आक्रमक होणं. अशाप्रकारे सगळाच समतोल बिघडतो. संतुलन बिघडतं. म्हणूनच पीसीओडीला हार्मोन्स इनबॅलन्स म्हणतात. पीसीओडी का होतो?पीसीओडी हा दोन प्रकारात मोडतो. 1) बारीक पीसीओडी ज्याला लिन पीसीओडी असंही म्हणतात. 2) जाड पीसीओडी. या दोन्हीमध्ये मुळात डिफेक्ट (दोष) हा पुरूषाच्या हार्मोन वाढीचा तर असतोच पण त्याचबरोबर साखर नियंत्रणात ठेवणार्या इन्सुलिन हार्मोनचा देखील असतो. इन्सुलिन हे रक्तातील साखर कमी करण्यासठी एका रिसेप्टरवर काम करत असते ज्याला इन्सुलिन रिसेप्टर असं म्हणतात. काही कारणास्तव हे इन्सुलिन या रिसेप्टरवर काम करू शकत नाही. किंवा कमी काम करतं. त्यावेळेस शरीरात इन्सुलिन रेझिझटन्स तयार होतो. हा इन्सुलिन रेझिझटन्स पीसीओडी, मधुमेह या दोन्ही आजारांना जोडणारा एक दुवा आहे. म्हणून काही शास्त्रज्ञ पीसीओडीला मधुमेहाची पहिली पायरी देखील म्हणतात. आणि ज्या कुटुंबात मधुमेह कॉमन आहे त्या कुटुंबात पीसीओडी या आजाराचं प्रमाण जास्त आढळतं.पीसीओडी हा नक्की का होतो याबद्दल संशोधन चालू आहे. पण जनुकांमध्ये नाही तरी दोष असलेल्या व्यक्तींमध्ये हा होण्याची शक्यता जास्त अस्ते. याचबरोबर जन्मतर्च वजन कमी असलेल्या मुलींमध्ये याचं प्रमाण देखील अधिक आहे. या पीसीओडीचे स्थूलतेशी पण जवळचं नातं आहे. इतर हार्मोन्सचे आजार जसे की थायरॉइड, प्रोलॅक्टिनचे आजार, congenital adrenal hyperplasia या आजारांमध्येदेखील पीसीओडीसारखी लक्षणं दिसू शकतात. ( शब्दांकन- माधुरी पेठकर)( उद्या वाचा : ओठावर लव, वाढतं वजन याला जबाबदार कोण?)

PCOS- PCOD News in Marathi FOLLOW

Pcos, Latest Marathi News

पीसीओडी होऊच नये म्हणून प्रतिबंधात्मक उपाय करता येत नाहीत, पण उत्तम आरोग्यशैली राखता येते. ...

गुगल करकरुन प्रश्न तयार करणं आणि त्यांची उत्तरं शोधणं हेदखील पीसीओडीसारख्या आजारात घातक आहे. ...

औषधांचे दुष्परिणाम होतील म्हणून औषधच टाळणं हा गंभीर धोका आहे. ...

आपल्या चेहर्‍यावर लव आहे. पिंपल्स फार झालेत म्हणून वरवर लेप लावू नका. तुम्हाला पीसीओडीचा गंभीर धोका असू शकतो. ...

PCOD हा गंभीर होर्मोनल आजार आहे, त्यावर वेळीच उपाय शोधा ...