पावसाळ्यात आवर्जून भेट द्यावे असे 5 रोमॅंटिक डेस्टिनेशन्स!

अनेकजण आपल्या पार्टनरसोबत खास रोमॅंटिक ठिकाणी फिरायला जाण्याचा प्लॅन करतात. अशात आम्ही तुमच्यासाठी काही खास रोमॅंटिक डेस्टिनेशनती माहिती घेऊन आलो आहोत. 

देशातील काही भागांमध्ये जोरदार पावसाला सुरुवात झाली असून अनेकजण पावसात फिरायला जाण्याच्या तयारीला लागले आहेत. पाऊस हा अनेकांना भीजवण्यासोबतच रोमॅंटिकही करुन जातो. त्यामुळे अनेकजण आपल्या पार्टनरसोबत खास रोमॅंटिक ठिकाणी फिरायला जाण्याचा प्लॅन करतात. अशात आम्ही तुमच्यासाठी काही खास रोमॅंटिक डेस्टिनेशनची माहिती घेऊन आलो आहोत. 

1) अंदामान-निकोबार

रिमझीम पाऊस, समुद्रातून उसळणाऱ्या लाटा, थंडी हवा आणि पार्टनरसोबत कोळशांवर भाजलेलं मक्याचं कणीस खाण्याची मजा काही औरच असेल. पावसाची खरी मजा घ्यायची असेल तर तुम्ही इथे येण्याचा प्लॅन करु शकता. या सुंदर आणि रोमॅंटिक ठिकाणाची राजधानी पोर्ट ब्लेअरच्या बीचवर बसून तुम्ही निळं चमकतं पाणी आणि आभाळ एकत्र येताना बघू शकता. त्यासोबतच येथील शांत वातावरण तुम्हाला आणि तुमच्या पार्टनरला आणखी जवळ आणेल. 

2) मेघालय

पावसाची हळुवार रिमझीम तुम्हाला पसंत असेल तर तुम्ही मेघालयात फिरायला जायला हवं. मेघालयाला ढगांचं घर असंही म्हटलं जातं. कारण इथे जवळपास वर्षभर पाऊस होत असतो. पण तरीही पावसाळ्यात येथील नजारा काही वेगळाच असतो. पावसांच्या सरींमध्ये येथील निसर्ग आणखीन सुंदर होतो.

3) केरळ

परदेशी पर्यटकांना आकर्षित करणारं केरळ हे नदी आणि डोंगरांनी वेढलं गेलेलं आहे. केरळच्या नैसर्गिक सुंदरतेसमोर सगळंकाही गौण वाटायला लागतं. केरळमध्ये पावसाळ्याला ड्रिम सीझन म्हणूनही ओळखलं जातं. समुद्राचं जे रुप केरळमध्ये बघायला मिळतं तसं कुठेही बघायला मिळत नाही. त्यामुळे या दिवसात इथे जास्त प्रमाणात पर्यटक येतात. तुम्हीही हा पावसाळा अधिक रोमॅंटिक आणि यादगार करण्यासाठी इथे जाऊ शकता.

4) गंगटोक

सिक्कीमची राजधानी आणि सुंदर शहर म्हणून प्रसिद्ध असलेल्या गंगटोकमध्ये पावसाळ्यात स्वर्गाचा आनंद मिळतो. इतर ऋतूंमध्ये तर इथे पर्यटकांची गर्दी असतेच पण पावसाळ्यात येथील वातावरण अधिक रोमॅंटिक असतं. त्यामुळे तुम्ही तुमच्या पार्टनरसोबत इथे पावसाचा मनसोक्त आनंद घेऊ शकता. 

5) दार्जिलिंग

दार्जिलिंग शहराला पश्चिम बंगालचा स्वर्गही म्हटलं जातं. इथे दरवर्षी हजारोंच्या संख्येने पर्यटक येत असतात. हे शहर चहाच्या बागांसाठीही जगभरात प्रसिद्ध आहे. पावसाळ्यात या शहराची सैर करणं एक अविस्मरणिय अनुभव असेल.