केवळ १२९९ रूपयांमध्ये करा हवाई सफर; ही विमान कंपनी देतेय भन्नाट ऑफर

प्रवाशांना मिळणार स्वस्तात प्रवास करण्याची संधी

ठळक मुद्दे 'द ग्रेट सिक्स्थ अॅनिव्हर्सरी सेल' अंतर्गत मिळणार स्वस्तात प्रवासाची संधीआज आणि उद्या प्रवाशांना तिकिट बुक करण्याची संधी

जर तुम्हाला विमान प्रवासाची आवड असेल तर ही बातमी तुमच्यासाठीच आहे. भारतातील प्रमुख विमान कंपन्यांपैकी एक एअर विस्तारानं आपल्या प्रवाशांसाठी एक जबसदस्त ऑफर आणली आहे. विस्तारानं प्रवाशांसाठी 'द ग्रेट सिक्स्थ अॅनिव्हर्सरी सेल'ची सुरूवात केली आहे. या अंतर्गत इकॉनॉमी क्लासमध्ये १२९९ रुपयांत देशभरात कोणत्याही ठिकाणी प्रवासाची संधी देण्यात येत आहे. तर दुसरीकडे प्रिमिअम इकॉनॉमीसाठी प्रवाशांना २०९९ रुपये आणि बिझनेस क्लासच्या तिकिटांसाठी प्रवाशांना ५९९९ रूपये मोजावे लागणार आहेत. ८ आणि ९ जानेवारी रोजी बूक करण्यात येणाऱ्या तिकिटांवरच ही ऑफर मिळणार आहे. तसंच प्रवाशांना २५ फेब्रुवारी ते ३० सप्टेंबर दरम्यान देशभरात प्रवास करता येणार आहे. 

एअर विस्ताराच्या 'द ग्रेट सिक्स्थ अॅनिव्हर्सरी सेल' अंतर्गत केवळ या दोनचं दिवसांत प्रवाशांना तिकिट आरक्षित करता येणार आहे. ८ आणि ९ जानेवारीदरम्यान बुकिंग खुलं राहणार आहे. या ऑफर अंतर्गत प्रवाशांना २५ फेब्रुवारी ते ३० सप्टेंबर २०२१ पर्यंतच प्रवास करता येईल. विस्तारानं दिलेल्या माहितीनुसार ऑफरवर ब्लॅक आउट डेट्सदेखील लागू होणार आहेत. ब्लॅक आऊट डेट्सचा अर्थ ज्या दिवशी प्रवाशांची मोठं संख्या असेल त्या दिवशी कोणत्याही प्रकारची ऑफर लागू होणार नाही. 

Explore India with us! Announcing ‘The Grand 6th Anniversary Sale’! Enjoy great fares starting at INR 1299 all-in. Book your tickets today. Hurry, limited seats available. https://t.co/Nl7IcSC132#FlyHigher#FlyTheNewFeelingpic.twitter.com/i2mLM1A8cJ

— Vistara (@airvistara) January 8, 2021

या ऑफर अंतर्गत दिल्ली ते लखनौपर्यंतचं इकॉनॉमी क्लासच्या तिकिटांचे दर १८४६ रूपये, प्रिमिअम क्लासचे दर ३०९६ रूपये आणि बिझनेस क्लासच्या तिकिटांचे दर ११,६६६ रूपये असेल. तर मुंबई ते अहमदाबाद दरम्यान इकॉनॉमी क्लासच्या तिकिटांचे दर १८६६ रूपये, प्रिमिअम इकॉनॉमी क्लासचे दर २९४६ रूपये आणि बिझनेस क्लासच्या तिकिटांचे दर १२,९६६ रूपये असणार आहे.