निसर्गरम्य असलं तरीही तुवालूला पर्यटकांची गर्दी नसते. आॅफबीट ठिकाणाच्या शोधात असाल तर तुवालूला जायलाच हवं!

फिजीपासून अवघ्या दोन तासांच्या अंतरावर तुवालू आहे. पण फिजीला भेट देणा-या पर्यटकांच्या तुलनेत तुवालूला भेट देणा-या पर्यटकांची संख्या अगदीच नगण्य आहे. संयुक्त राष्ट्रसंघाच्या वर्ल्ड टूरिझम आॅरगनायझेशननं तर 2016 सालातलं ‘लीस्ट व्हिजिटेड डेस्टिनेशन’ म्हणून तुवालूचा उल्लेख केला आहे.

ठळक मुद्दे* फिजीपासून अवघ्या दोन तासांच्या अंतरावर तुवालू आहे. पण फिजीला भेट देणा-यापर्यटकांच्या तुलनेत तुवालूला भेट देणा-या पर्यटकांची संख्या अगदीच नगण्य आहे. संयुक्त राष्ट्रसंघाच्या वर्ल्ड टूरिझम आॅरगनायझेशननं तर 2016 सालातलं ‘लीस्ट व्हिजिटेड डेस्टिनेशन’ म्हणून त* तुवालू हा तीन प्रवाळ बेटांनी आणि सहा कंकणद्वीपांनी बनलेला आहे. यातल्या प्रत्येक बेटाचं स्वत:चं असं एक वैशिष्ट्य आहे. तुम्हाला इथे काही ना काही खास गोष्टी पहायला मिळतातच.* या देशात एका बाजूला तुम्हाला पामच्या झाडांचा उपयोग करु न बनवलेली खोपटासारखी घरं दिसतील. तर दुस-या बाजूला युरोपियन पद्धतीच्या इमारती.* तुम्ही सोलो ट्रॅव्हलर असाल, मित्र-मंडळींबरोबर फिरायला जाणार असाल, एकदम आॅफ बीट ठिकाणाच्या शोधत असाल तर नक्की तुवालूचा आॅप्शन ट्राय करून पहायला हरकत नाही.

- अमृता कदम

अमूक या देशाला निसर्गसौंदर्याचं वरदान लाभलं आहे, तुम्हाला इथे निवांतपणा मिळेल, एक वेगळी संस्कृती अनुभवायला मिळेल, वेगवेगळ्या चवीचे पदार्थ खायला मिळतील...हे वाचल्यावर तुम्हाला इथे नेहमीच पर्यटकांची गर्दी असेल, आपल्याला बुकिंग कसं मिळेल असे प्रश्न पडतील. मात्र ही काळजी सोडून द्या. कारण एवढं सगळं असलेल्या या देशाला सर्वांत कमी पर्यटक भेट देतात. दक्षिण पॅसिफिक महासागरात वसलेला हा चिमकुला देश आहे तुवालू. हवाई बेटं आणि आॅस्ट्रेलियाच्या मधोमध तुवालू आहे. अजून जास्त नेमकेपणानं सांगायचं तर फिजीचा हा शेजारी. फिजीपासून अवघ्या दोन तासांच्या अंतरावर तुवालू आहे. पण फिजीला भेट                   देणा-या पर्यटकांच्या तुलनेत तुवालूला भेट देणा-या पर्यटकांची संख्या अगदीच नगण्य आहे. संयुक्त राष्ट्रसंघाच्या वर्ल्ड टूरिझम आॅरगनायझेशननं तर 2016 सालातलं ‘लीस्ट व्हिजिटेड डेस्टिनेशन’ म्हणून तुवालूचा उल्लेख केला आहे.
या अहवालानुसार 2016 मध्ये या देशाला भेट देणा-या पर्यटकांची संख्या होती अवघी दोन हजार. अर्थात 2014 शी तुलना करता हा आकडा जास्तीच होता. 2014 साली या देशाला हजार पर्यटकांनीच भेट दिली होती. नीलमण्यासारखा समुद्र, पांढ-या शुभ्र रेतीचे समुद्रकिनारे, सुंदर प्रवाळं, किना-यावरची पाम वृक्षांची रांग...अशाच शांत आणि आॅफबीट ठिकाणं शोधण्याचा पर्यटकांचा कल वाढत असताना तुवालूला अजूनही पर्यटकांच्या विश लिस्टमध्ये आपली जागा का निर्माण करता आली नाहीये? हे एक कोडंच आहे.
इतरांनी जरी तुवालूकडे पाठ फिरवली असली तरी तुम्ही मात्र या ठिकाणाचा विचार जरु र करु शकता.
तुवालूला आहे काय?

 

1. थक्क करणारं निसर्गसौंदर्य
तुवालू हा तीन प्रवाळ बेटांनी आणि सहा कंकणद्वीपांनी बनलेला आहे. यातल्या प्रत्येक बेटाचं स्वत:चं असं एक वैशिष्ट्य आहे. तुम्हाला इथे काही ना काही खास गोष्टी पहायला मिळतातच. या सहा बेटांपैकी एक मुख्य कंकणबेटं म्हणजे तुवालूची राजधानी फुनफुटी. फुनफुटीची खासियत म्हणजे जगातला एकमेव कोणतीही कुंपणं नसलेला विमानतळ. समुद्रात घुसलेल्या या विमानतळाच्या पट्टीला पामच्या झाडांनी वेढलं आहे. फुनफुटीचा हा आगळावेगळा विमानतळ तुवालूमध्ये काय नजारे पहायला मिळतील याची झलकच दाखवतो.

2. समृद्ध परंपरा आणि संस्कृती
सोळाव्या शतकात ब्रिटीशांच्या आगमनानंतर हा बेटांचा छोटासा देश जगाच्या नकाशावर आला. एकोणिसाव्या शतकात तुवालू ब्रिटीश वसाहतीचा भाग बनला. पण इथले मूळ रहिवाशी म्हणजे पोलिनेशियन्स. अजूनही व्यावसायिकतेचा स्पर्श झाला नसल्यामुळे असेल कदाचित पण या जमातीनं आपल्या परंपरा आणि संस्कृती जतन करु न ठेवल्या आहेत. इथल्या लोकांची जीवनपद्धती पर्यटकांना फार जवळून पाहता येते. त्यांची घरं, फाटेल नावानं ओळखला जाणारी त्यांची गाणी आणि नृत्यं सर्वं काही अनुभवता येतं.
इथल्या बायकांनी आपली पारंपरिक हस्तकलाही जपली आहे.
 

 

3. स्थापत्य
या देशात एका बाजूला तुम्हाला पामच्या झाडांचा उपयोग करु न बनवलेली खोपटासारखी घरं दिसतील. तर    दुस-या बाजूला युरोपियन पद्धतीच्या इमारती. खरंतर इथले लोक घरं बांधण्यासाठी सिमेंट-कॉंक्रि टचा अजिबात वापर करत नाहीत. ही गोष्ट त्यांना युरोपियन लोकांनी शिकवली. पण अजूनही बरेच लोक परंपरागत पद्धतीच्या घरातच राहणं पसंत करतात.

4. चवदार खाद्यपदार्थ
तुवालूच्या लोकांच्या आहारातला मुख्य घटक आहे नारळ आणि मासे. इथल्या खास पदार्थांमध्ये नारळ, ब्रेडफूट आणि केळ्यांचा वापर करुन बनवलेला ‘पुलाका’ हा पदार्थ विशेष आहे.

तुवालूला जाणं कठीण असेल, राहण्याच्या सोयी नीट नसतील असे विचार मनात येत असतील तर ते काढून टाका. हा देश काही दुर्गम नाही. तुम्ही फिजीला जाऊन तिथून पुढे तुवालूला जाऊ शकता. किंवा एअर पॅसिफिकची या बेटासाठी खास विमानसेवाही आहे. हां, हे शोधण्यासाठी तुम्हाला नक्कीच थोडे कष्ट घ्यावे लागतील. इथे राहण्यासाठी चांगली हॉटेल्स आणि गेस्टहाऊसही आहेत. इंग्लिश हीच आता इथली अधिकृत भाषा झाल्यानं संवाद साधण्यातही अडचणी येत नाही.

तुम्ही सोलो ट्रॅव्हलर असाल, मित्र-मंडळींबरोबर फिरायला जाणार असाल, एकदम आॅफ बीट ठिकाणाच्या शोधत असाल तर नक्की तुवालूचा आॅप्शन ट्राय करून पहायला हरकत नाही. जिथं सगळ्यांची गर्दी होते, ते ठिकाण सुंदर असलंच पाहिजे असं नाही. त्यामुळे पर्यटनातली रूळलेल्या ठिकाणांना काट मारु न तुवालूची सफर करून तर या!