६६ कोटींच्या पुलाला काही तासांतच तडे; मुख्यमंत्री योगी आदित्यनाथ यांनी केले होते उद्घाटन

मुख्यमंत्री योगी आदित्यनाथ यांनी या पुलाचे ऑनलाइन उद्घाटन केले होते.

नवी दिल्ली: २०२५मध्ये प्रयागराज, यूपी येथे महाकुंभ होणार आहे. उत्तर प्रदेशचे मुख्यमंत्री योगी आदित्यनाथ यांच्या नेतृत्वाखालील सरकार यासंदर्भात तयारी करण्यात व्यस्त आहे. रस्ते बांधणीचे कामही वेगाने सुरू आहे. टोन्स नदीवर पूल बांधण्यात आला आहे. त्याचे उद्घाटन मुख्यमंत्री योगी यांच्या हस्ते झाले. पण, असे काही चित्र समोर आले असून, त्यामुळे बांधकामावर प्रश्नचिन्ह निर्माण झाले आहे.

मुख्यमंत्री योगी आदित्यनाथ यांनी या पुलाचे ऑनलाइन उद्घाटन केले होते. आश्‍चर्यकारक बाब म्हणजे उद्घाटनानंतर २४ तासांतच ६६ कोटी रुपये खर्च करुन बांधलेल्या पुलाला तडे गेले. सोशल मीडियावर फोटो मोठ्या प्रमाणात व्हायरल होत आहेत. दुसरीकडे स्थानिकांमध्येही संताप दिसून येत आहे. लोकांचे म्हणणे आहे की, पुलाचे काम नुकतेच पूर्ण झाले होते, तेव्हा भेगा पडल्या होत्या आणि त्याची चौकशी झाली पाहिजे.

'पुलाला कोणत्याही प्रकारचा तडा नाही'

मात्र, खड्ड्यांबाबत अधिकाऱ्यांचे म्हणणे आहे की, या पुलाला कोणतीही तडे नसून माती आत गेली आहे. राज्य सेतू निगमचे अधिकारी अनिरुद्ध कुमार यांनी सांगितले की, पुलाला कोणत्याही प्रकारची दरड नाही. हा प्रकार चिखलामुळे घडला. ही एक नैसर्गिक प्रक्रिया आहे. दुरुस्ती करण्यात आली आहे. पुलावरून वाहतूक सुरू आहे.

बांधकामाबाबत लोक प्रश्न उपस्थित 

आम्ही तुम्हाला सांगतो की हा पूल १ किलोमीटरचा आहे. त्याच्या बांधकामामुळे अनेक गावांतील लोकांची सोय झाली आहे. वेळेसोबतच पैशांचीही बचत झाली आहे. मात्र जेव्हापासून भेगा पडल्याचे चित्र समोर येत आहे, तेव्हापासून लोकांमध्ये संताप व्यक्त होत आहे. बांधकामाबाबत नागरिक प्रश्न उपस्थित करत आहेत.