एक नवरा, तीन लग्न आणि अनैसर्गिक संबंध, बिंग फुटताच दुसऱ्या पत्नीनं केलं असं काही...  

Uttar Pradesh News: लखनौमधून एक धक्कादायक घटना समोर आली आहे. येथे एका व्यक्तीवर तीन लग्नं करण्याचा आरोप केला आहे. दुसऱ्या पत्नीने या व्यक्तीविरोधात तीन लग्नं केल्याचा आरोप केला आहे.

लखनौमधून एक धक्कादायक घटना समोर आली आहे. येथे एका व्यक्तीवर तीन लग्नं करण्याचा आरोप केला आहे. दुसऱ्या पत्नीने या व्यक्तीविरोधात तीन लग्नं केल्याचा आरोप केला आहे. दुसऱ्या पत्नीने या व्यक्तीविरोधात एफआयआर नोंदवण्यात आली आहे.  या महिलेने आरोप केला की, तिचा पती असलेल्या या व्यक्तीने पहिल्या पत्नीचा मृत्यू झाल्याचा दावा करक माझ्याशी लग्न केलं होतं. मात्र आता तो तिसऱ्या पत्नीसोबत राहत आहे. पीडितेने त्याच्यावर मारहाण आणि अनैसर्गिक लैंगिक संबंध ठेवल्याचा आरोपही केला आहे.

आरोपी व्यक्ती एका हॉस्पिटलचा संचालक आहे. त्याने पहिल्या पत्नीचा मृत्यू झाल्याचे सांगून दुसऱ्या महिलेसोबत विवाह केला होता. त्यानंतर काही काळाने त्याने या दुसऱ्या पत्नीचा छळ करून तिला घराबाहेर काढले. तसेच तिसऱ्या महिलेसोबर घरोबा केला. जेव्हा याची माहिती दुसऱ्या पत्नीला मिळाली तेव्हा तिने पोलिसांकडे तक्रार केली. सध्या पोलीस सा प्रकरणाचा तपास करत आहेत.

याबाबत मिळालेल्या अधिक माहितीनुसार लखनौमधील मोहनलाल पोलीस ठाण्याच्या हद्दीतील प्रायव्हेट रुग्णालयाचे संचालक असलेल्या लल्ला सिंह यांच्यावर त्यांच्या दुसऱ्या पत्नीने गंभीर आरोप केले आहेत. पहिल्या पत्नीचं निधन झाल्याचं सांगत त्यांना आपल्याला प्रेमाच्या जाळ्यात ओढले आणि नंतर लग्न केले. मात्र लग्नानंतर तो मला त्रास देऊ लागला. तसेच या काळात त्याने माझ्यासोबत अनैसर्गिक संबंध ठेवून लैंगिक शोषण केले, तसेच मारहाण केली, असा आरोप या महिलेने केला आहे.

एवढंच नाही तर आरोपीने माझा जबरदस्तीने गर्भपात केला. या सर्वाला विरोध केला तेव्हा त्याने मला घराबाहेर काढले असा आरोपही या महिलेने केला. तसेच पीडित महिलेला लल्ला सिंह याच्या पहिल्या पत्नीबाबत समजले तेव्हा तिने शोषणाचा आरोप करत कोर्टात धाव घेऊन पोटगी देण्याची मागणी केली.  त्याचवेळी लल्ला सिंह याने दुसऱ्या पत्नीचा मृत्यू झाल्याचं सांगून तिसरं लग्न केल्याचंही समोर आलं. या प्रकरणी आता पोलिसांनी दुसऱ्या पत्नीने दिलेल्या तक्रारीनुसार गुन्हा दाखल केला आहे.