अजूनही वेळ गेलेली नाही! SDM ज्योती मौर्य हिच्याशी तडजोड करण्यास पती तयार, पण ठेवली एक अट
By ऑनलाइन लोकमत | Published: July 13, 2023 12:23 PM2023-07-13T12:23:45+5:302023-07-13T12:24:53+5:30
SDM Jyoti Maurya & Alok Maurya : सध्या मीडिया आणि सोशल मीडियावर एसडीएम ज्योती मौर्य आणि त्यांचे पती आलोक मौर्य यांच्यात सुरू असलेला वाद चर्चेचा विषय ठरला आहे. दोन्ही बाजूंनी वेगवेगळे दावे केले जात आहेत.
अजूनही वेळ गेलेली नाही! SDM ज्योती मौर्य हिच्याशी तडजोड करण्यास पती तयार, पण ठेवली एक अट
Next सध्या मीडिया आणि सोशल मीडियावर एसडीएम ज्योती मौर्य आणि त्यांचे पती आलोक मौर्य यांच्यात सुरू असलेला वाद चर्चेचा विषय ठरला आहे. दोन्ही बाजूंनी वेगवेगळे दावे केले जात आहेत. पती आलोक मौर्य यांनी एसडीएम ज्योती मौर्य यांच्यावर गंभीर आरोप केले आहेत, त्यामुळे या पती-पत्नीमधील दुरावा अधिकच वाढला आहे.
दरम्यान, पत्नी ज्योती मौर्य यांच्याशी असलेल्या वादाचं खरं कारण हे, मनीष दुबै असल्याचं आलोक मौर्य यांनी म्हटलं आहे. तसेच आलोक मौर्य यांनी पत्नी ज्योती मौर्य यांच्यासोबत असलेल्या आपल्या संबंधांबाबतही माहिती दिली आहे. आलोक मौर्य यांनी सांगितले की, २०१० ते २०२० या काळात ज्योती मौर्य यांच्यासोबत आनंदाने संसार सुरू होता. मात्र अचानक मनीष दुबेची एंट्री झाली. त्यामुळे कुटुंबात फूट पडला. मनीष दुबे हात माझ्या आणि माझ्या पत्नीमधील वादाचं कारण आहे, असं आलोक मौर्य म्हणाले.
माझ्याकडे पत्नी ज्योती मौर्य आणि मनीष दुबे यांच्यातील संभाषणाचे ऑडियो उपलब्ध आहेत. तसेच दोघांमध्ये जी काही चर्चा झाली, त्याचेही पुरावेही माझ्याकडे आहेत. त्यावरूनच मी जेव्हा ज्योती मौर्य यांच्याशी जेव्हा बोललो तेव्हा वाद उभा राहिला. माझ्या आणि माझ्या कुटुंबीयांविरोधात खोटे आरोप करून गुन्हे दाखल करण्यात आले. मी कुटुंबातील फूट रोखण्याचा प्रयत्न केला. मात्र माझी पत्नी ज्योती मौर्य मनीष दुबेशी असलेल्या जवळीकीमुळे माझ्यापासून दूर होत गेली.
आता हा वाद खूप वाढला आहे. मात्र आलोक मौर्य यांनी सांगितले की, मी दोन मुलांसाठी अजूनही तडजोड करण्यास तयार आहे. मात्र त्यासाठी ज्योती मौर्य यांना सगळं काही व्यवस्थित करावं लागेल. यावेळी आलोक मौर्य यांनी ज्योती मौर्य यांच्याप्रति सहानूभुती बाळगणाऱ्यांवरही टीका केली. ज्या मनीष दुबे मुळे आमचं कुटुंब विस्कळीत झालं आहे, त्याच्या पत्नीचीही स्वत:ची फसवणूक झाल्याची भावना आहे. तिनेही मनीष दुबेविरोधात तक्रार दिली आहे. ज्योती मौर्य यांच्याविषयी सहानूभुती बाळगणाऱ्यांनी मनीष दुबेच्या पत्नीबाबतही सहानूभुती बाळगणाऱ्यांनी मनीष दुबेच्या पत्नीबाबतही सहानूभुती बाळगली पाहिले, असा सल्लाही त्यांनी दिला.