नवरी जोमात, नवरदेव कोमात! लग्नाच्या नावाखाली 3 मुलींनी तब्बल 70 मुलांना घातला गंडा अन्...

तरुण जेव्हा लग्नासाठी पोहोचला तेव्हा त्याला जीवे मारण्याची धमकी देऊन पाठलाग करण्यात आला.

उत्तर प्रदेशातील गाझियाबाद येथील एका तरुणाला लग्नाच्या नावाखाली मेरठला बोलावून फसवणूक केल्याची घटना समोर आली आहे. तरूणांकडून 12 हजार 500 रुपये आणि चांदीचे पैंजण आधीच घेण्यात आले होते. तरुण जेव्हा लग्नासाठी पोहोचला तेव्हा त्याला जीवे मारण्याची धमकी देऊन पाठलाग करण्यात आला. मेरठ पोलिसांनी रविवारी रात्री बनावट मॅरेज ब्युरोच्या सदस्यांना अटक केली. बाहेरच्या शहरातील तरुणांना लग्नाच्या आमिषाने फसवले जात होते. पोलिसांनी घटनास्थळावरून 3 मुलींना अटक केली आहे. त्याचवेळी टोळीचा म्होरक्या आणि त्याचा एक साथीदार घटनास्थळावरून पळून गेला.

मेडिकल पोलीस स्टेशन हद्दीतील तेजगढीजवळ या बनावट मॅरेज ब्युरो टोळीचा पोलिसांनी पर्दाफाश केला आहे. ही टोळी बनावट मॅरेज ब्युरो चालवून निरपराध तरुण-तरुणींना लग्नाचे आमिष दाखवून फसवत असे. येथे तरुण-तरुणींकडून आधीच पैसे आणि दागिने घेतले जात होते. काही दिवसांनी मॅरेज ब्युरो आपली जागा बदलत असे. ग्राहकाने लग्न केल्याचे सांगितल्यावर जीवे मारण्याची धमकी देऊन पाठलाग केला जायचा. पोलिसांनी या लोकांवर गुन्हा दाखल केला आहे.

गाझियाबादमधील प्रताप विहार येथे राहणारे रामानंद पाठक यांनी पोलिसांना सांगितले की, माझे लग्न होत नव्हते. इंटरनेट आणि मित्रांच्या मदतीने त्याला मेरठमधील शादी संगीत मॅरेज ब्युरोची माहिती मिळाली. त्याने या मॅरेज ब्युरोच्या वेबसाइटवर जाऊन त्याचे प्रोफाईल पोस्ट केले. यानंतर त्याला अंशू नावाच्या तरुणाचा फोन आला. ते म्हणाले की आमचे कार्यालय मेरठ शास्त्री नगर पीव्हीएस मॉलच्या मागे आहे, तिथे या. इथेच आम्ही लग्न लावतो, तुमचं पण करू. अंशूचे म्हणणे खरे मानून ते 2 मे रोजी रामानंद गाझियाबाद येथील कुटुंबीयांसह मेरठ मॅरेज ब्युरोच्या कार्यालयात पोहोचले, जिथे त्याला 3 मुली दाखवण्यात आल्या. 

रामानंद याच्याकडून 12,500 रुपये एडव्हान्स घेण्यात आले. रामानंदने सांगितले की, तुला मुलगी आवडत असेल तर सांग. एक मुलगी पसंत करून रामानंद फायनल झाले. मॅरेज ब्युरोच्या कर्मचार्‍यांनी सांगितले की, ज्या मुलीला तुम्ही पसंत केले आहे, तिला चांदीचे पैंजण द्या आणि त्यानंतर 5 दिवसांनी या, कोर्ट मॅरेज करा. रामानंदच्या कुटुंबीयांनी मुलीला चांदीचे पैंजण दिले. लग्नासाठी रामानंद कुटुंबीयांसह कार्यालयात पोहोचले तेव्हा तेथे काहीही नव्हते. मॅरेज ब्युरोच्या कर्मचाऱ्यांनी कुटुंबीयांना धमकावले, असा आरोप आहे. आरोपी म्हणाले, "तू जास्त बोलशील तर तुला मारून टाकू. तू तक्रार केलीस तर जगणार नाहीस. म्हणून शांतपणे पळून जा."

पीडित कुटुंब प्रथम तक्रार करण्यास घाबरत होते. नंतर त्याने या बनावट मॅरेज ब्युरोची गोष्ट मेडिकल स्टेशनवर पोलिसांना सांगितली. माहिती मिळताच पोलीस घटनास्थळी पोहोचले असता तेथे तरुण-तरुणी बसल्याचे दिसले. या छाप्यात पोलिसांनी घटनास्थळावरून 3 मुलींना अटक केली. त्यात ती मुलगीही होती, जिला रामानंदने लग्नासाठी फायनल केले होते आणि पैसे दिले होते. पोलीस या प्रकरणाचा अधिक तपास करत आहेत. आतापर्यंतच्या तपासात असे समोर आले आहे की, या 3 मुलींनी एनसीआर आणि उत्तर प्रदेशातील सुमारे 70 मुलांना अशा प्रकारे अडकवले आहे. एका हिंदी वेबसाईटने याबाबतचे वृत्त दिले आहे.