इंस्टाग्रामवर व्हायचं होतं फेमस, फॉलोअर्स वाढविण्यासाठी शिक्षिकेनं तयार केला अश्लील Video; अन्...

या शिक्षिकेने प्रसिद्ध होण्याच्या नादात, आपलेच अश्लील व्हिडिओ तयार करून इंस्टाग्रामवर शेअर केले आणि पाहता पाहता तिने शेअर केलेल्या रील्स व्हायरल झाल्या...

सध्या सोशल मीडियावर रील्स बनवून टाकण्याची जणू हवा सुरू आहे. फेसबुक असो अथवा इंस्टाग्राम, यूजर्स वेगवेगळ्या प्रकारचे व्हिडिओ तयार करून आपल्या अकाउंटवर पोस्ट करत असतात. यातील अनेक युजर्स आपले व्हिवर्स आणि फॉलोअर्स वाढविण्यासाठी नव नव्या पद्धतीही शोधून काढताना दिसतात. यातच, उत्तर प्रदेशातील इटावा येथील एका शिक्षिकेने प्रसिद्ध होण्यासाठी आणि आपले फॉलोअर्स वाढविण्यासाटी असे कृत्य केले, की ज्यामुळे गोंधळ उडाला.

या शिक्षिकेने प्रसिद्ध होण्याच्या नादात, आपलेच अश्लील व्हिडिओ तयार करून इंस्टाग्रामवर शेअर केले आणि पाहता पाहता तिने शेअर केलेल्या रील्स व्हायरल झाल्या. ही शिक्षिका ज्या शाळेत शिकवते, त्या शाळेतील मुलांच्या पालकांना हा संपूर्ण प्रकार समजल्यानंतर, त्यांनी आक्षेप घेत, संबंधित शिक्षिकेची शाळेतून हकालपट्टी करण्याची मागणी केली आहे.

हे प्रकरण, इटावातील इकदिल नगर पंचायतीमधील एका गावात असलेल्या प्राथमिक शाळेतील आहे. संबंधित शिक्षिकेला रील्स बनविण्याचा छंद आहे. अधिकाध लोकांनी आपल्याला इंस्टाग्रामवर फॉलो करावे, यासाठी तिने तिचे अश्लील व्हिडिओ तयार करून तेथे पोस्ट केले. मात्र झाले उलटेच. संबंधित शाळेत शिकणाऱ्या विद्यार्थ्यांच्या पालकांना याची माहिती मिळाली आणि त्यांनी जोरदार गोंधळ केला.

यासंदर्भात बोलताना स्थानिक लोकांनी म्हटले आहे की, त्यांची मुलं या शाळेत शिकतात. शिक्षिकेच्या या कृत्याचा त्यांच्यावर वाईट परिणाम होईल. त्यामुळे या शिक्षिकेची शाळेतून हकालपट्टी करावी. तसेच, या संदर्भात जिल्हा शिक्षणाधिकारी राजेश कुमार यांनी व्हिडिओ पाहून आणि तातडीने चौकशी करून कारवाईच्या सूचना दिल्या आहेत.