रुग्णालयाच्या हलगर्जीपणामुळे बहिणीचा मृत्यू, विनोदी कलाकार सुनील पालचा आरोप

रुग्णालयाच्या हलगर्जीपणामुळे आपल्या बहिणीचा मृत्यू झाल्याचा आरोप विनोदी कलाकार सुनील पाल यांनी केला आहे.

ठळक मुद्देरुग्णालयाच्या हलगर्जीपणामुळे आपल्या बहिणीचा मृत्यू झाल्याचा आरोप सुनील पाल यांनी केलाआचार्य विनोबा भावे ग्रामीण रुग्णालयात सुनील यांच्या बहिणीला उपचारासाठी दाखल करण्यात आले होतेदोन दिवसांनी योग्य उपचार न मिळाल्यामुळे बहिणीचा मृत्यू

वर्धा : रुग्णालयाच्या हलगर्जीपणामुळे आपल्या बहिणीचा मृत्यू झाल्याचा आरोप विनोदी कलाकार सुनील पाल यांनी केला आहे. सावंगी येथील आचार्य विनोबा भावे ग्रामीण रुग्णालयात सुनील यांच्या बहिणीला उपचारासाठी दाखल करण्यात आले होते. मात्र दोन दिवसांनी योग्य उपचार न मिळाल्यामुळे तिचा मृत्यू झाल्याचा आरोप सुनील पाल यांनी केला आहे. 

सावंगी रुग्णालयात योग्य उपचार मिळत नसल्यामुळे सुनिल यांनी बहिणीला उपचारासाठी नागपूरच्या एका खासगी रुग्णालयात नेले. मात्र रुग्णालयात पोहचताच त्यांची बहीण शारदा यांचा मृत्यू झाला. सुनिल यांनी सावंगी येथील रुग्णालयात काही शिकाऊ डॉक्टर होते. त्यांनीच आयसीयूमध्ये बहिणीवर उपचार केले. त्यांच्या हलगर्जीपणामुळेच तिचा मृत्यू झाल्याचा आरोप केला आहे. सुनील पाल यांच्या आरोपानंतर आचार्य विनोबा भावे ग्रामीण रुग्णालय प्रशासनाने असे काही नसल्याचं म्हटलं आहे. उलट सुनिल यांनीच रुग्णालयाच्या आयसीयुमध्ये शिरून व्हिडीओ काढण्याचा प्रयत्न केल्याचा प्रशासनाने आरोप केला आहे.