पुलावरून ट्रक कोसळला

यवतमाळवरून नागपूरला जात असलेला ट्रक अनियंत्रित होवून सेलसुरा शिवारातील भदाडी नदीच्या पुलाचे संरक्षण

वर्धा-यवतमाळ मार्गावरील सेलसुरा शिवारातील घटना
लोकमत न्यूज नेटवर्क
वर्धा : यवतमाळवरून नागपूरला जात असलेला ट्रक अनियंत्रित होवून सेलसुरा शिवारातील भदाडी नदीच्या पुलाचे संरक्षण कठडे तोडून खाली कोसळला. ही घटना मंगळवारी सकाळच्या सुमारास घडली. यात ट्रकचे नुकसान झाले असून चालक व वाहक जखमी झाले आहे.
औषधसाठा घेऊन नागपूरच्या दिशेन निघालेला ट्रक वर्धा-यवतमाळ मार्गावरील सेलसुरा शिवारातील भदाडी नदीच्या पुलाजवळ आला. येथे अचानक वाहनचालकाचे वाहनावरील नियंत्रण सुटल्याने ट्रक पुलाचे संरक्षण कठडे तोडत थेट पुलाखाली कोसळला. यात चालक अशोक गायकवाड व वाहक जखमी झाले. या दोघांना सावंगी (मेघे) रुग्णालयात उपचाराकरिता दाखल करण्यात आले आहे. या दोघांना विशेष इजा नसल्याचे सावंगी पोलिसांनी सांगितले. घटनेची माहिती मिळताच सावंगी पोलिसांनी घटनास्थळ गाठून अपघातग्रस्त ट्रकाचा पंचनामा केला. या घटनेची सावंगी पोलिसांनी नोंद घेतली आहे.