मुंबई-अहमदाबाद राष्ट्रीय महामार्गावर बिबट्याचा अपघाती मृत्यू

leopard : ग्रामस्थ नागरिकांनी राष्ट्रीय महामार्ग वाहतूक पोलीस आणि  वनखात्याच्या अधिकारी वर्गाला पाचारण करत माहिती दिली दिल्याचे सांगितले.

- आशिष राणे

वसई :  येथील मुंबई अहमदाबाद राष्ट्रीय महामार्गावर दुर्वेश येथे एका बिबट्याचा अपघातात दुर्दैवी मृत्यू झाल्याची घटना रविवारी 11.30 च्या सुमारास घडली आहे. 

महामार्गावरील वाहन चालकांनी सांगितलेल्या माहितीनुसार, दुर्वेश या राष्ट्रीय महामार्गावर वाहनांची वर्दळ सुरूच होती, त्यात अंधारात एक मोठा बिबट्या रस्ता ओलांडून जात असताना चक्क मागून येणाऱ्या एका ट्रकची त्याला जोरदार धडक बसली. या धडकेत बिबट्या जागीच ठार झाला. 

दरम्यान, बिबट्या रस्त्यावर मृत अवस्थेत एका बाजूला पडल्याचे समजताच याठिकाणी राष्ट्रीय महामार्गावर वाहनचालक बघ्यांची गर्दी झाली आणि हळहळ व्यक्त केली. यावेळी उपस्थित वाहन चालक व इतर ग्रामस्थ नागरिकांनी राष्ट्रीय महामार्ग वाहतूक पोलीस आणि  वनखात्याच्या अधिकारी वर्गाला पाचारण करत माहिती दिली दिल्याचे सांगितले.