मोक्कातील फरार आरोपी अटक

पालघर जिल्ह्यातील पोलीस ठाण्यामार्फत मोक्काच्या कारवाईतील फरार आरोपीला स्थानिक गुन्हे शाखेच्या वसई युनिटच्या

विरार : पालघर जिल्ह्यातील पोलीस ठाण्यामार्फत मोक्काच्या कारवाईतील फरार आरोपीला स्थानिक गुन्हे शाखेच्या वसई युनिटच्या पोलिसांनी मुंबईतील शिवडी वाडाळा येथून सापळा रचून अटक केली आहे. नसीर कादिर शेख असे अटक करण्यात आलेल्या आरोपीचे नाव असून सद्या त्याला इतर गुन्हयातील तपासासाठी नवी मुंबई पोलिसाना हस्तांतरित करण्यात आले आहे.
नसीर हा माणकिपूर पोलीस ठाण्यात गुन्ह्यातील फरार आरोपी होता. त्याच्यावर मुंबईतील मलबार हिल पोलीस ठाण्यात पन्नास लाखाची घरफोडीचा गुन्हा दाखल आहे. माहीम पोलीस ठाण्यात सुद्धा तो फरार म्हणून घोषित आहे. नवी मुंबई पोलिसांना चार घरफोडीच्या गुन्ह्यात तो पाहिजे होता. स्थानिक गुन्हे शाखेच्या सहायक पोलीस निरीक्षक प्रशांत लांघी, पोलीस उपनिरीक्षक चव्हाण, पोलीस हवालदार वेदपाठक, रामा पाटील, वळवी, मते, पोलीस नाईक मनोज मोरे, सचिन दोरकर, शरद पाटील, यादव पोलीस कॉन्स्टेबल अमोल कोरे यांच्या पथकाने ही कारवाई केली.