शिजान खान व त्याच्या कुटुंबीयांचा तुनीषावर धर्मांतरासाठी दबाव; आईचा खळबळजनक आरोप

तुनीषाने शिजानच्या फोनमध्ये दुसऱ्या मुलीचा मेसेज पाहिल्यानेच त्यांचे ब्रेकअप झाल्याचे वनिता यांनी सांगितले. 

लोकमत न्यूज नेटवर्क

नालासोपारा: शिजान खान व त्याच्या कुटुंबीयांनी तुनीषावर धर्मांतरासाठी दबाव टाकल्याचा खळबळजनक आरोप अभिनेत्री तुनीषाची आई वनिता शर्मा यांनी शुक्रवारी पत्रकार परिषदेत केला. तुनीषाने शिजानच्या फोनमध्ये दुसऱ्या मुलीचा मेसेज पाहिल्यानेच त्यांचे ब्रेकअप झाल्याचेही वनिता यांनी सांगितले. 

वनिता पुढे म्हणाल्या की, शिजानची आई तुनीषाचा छळ करत असे. त्याची बहीण तुनीषाला दर्ग्यात घेऊन जायची. शिजानने तुनीषाला लग्नाचेही आश्वासन दिले होते आणि तो तिच्यावर इस्लाम धर्म स्वीकारण्यासाठी दबाव टाकत होता; पण तो तिची फसवणूक करत होता. माझी मुलगी बदलली होती. शिजान भेटल्यानंतर तिने हिजाब घालण्यास सुरुवात केली. ती त्याच्याकडून उर्दू शिकू लागली होती. शिजानचे दुसऱ्या मुलीसोबत अफेअर असल्याचे तुनीषाला कळले होते. तिने त्याच्या फोनवर दुसऱ्या मुलीशी झालेला संवाद वाचला होत्या. त्यामुळेच त्यांच्यात भांडण झाले आणि ब्रेकअप झाले होते.

शिजानच्या कोठडीत एक दिवसाची वाढ 

अभिनेत्री तुनीषा शर्माच्या आत्महत्येप्रकरणी अटकेत असलेला आरोपी प्रियकर शिजान खानची दोन दिवसांची पोलिस कोठडी संपल्यावर शुक्रवारी वालीव पोलिसांनी त्याला वसई न्यायालयात हजर केले. पोलिसांना या गुन्ह्यासंदर्भात तपास व चौकशी करण्यासाठी शिजानची एक दिवसांची पोलिस कोठडी वाढविण्यात आली आहे. याप्रकरणी तुनीषाची आई वनिता शर्मा यांचा पुरवणी जवाब झाल्याचेही कळते.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"