बविआच्या खांद्यावरून भाजपचा शिवसेनेवर नेम?

पालघर लोकसभा मतदारसंघ शिवसेनेला दिल्यापासून भाजपमध्ये असलेली खदखद युतीच्या जागावाटपानंतर बाहेर पडली.

वसई, नालासोपारा, पालघर, डहाणूत थेट लढत : विक्रमगडमधील नाराजी कायम, डहाणूत भाजपसमोर मार्क्सवाद्यांचे कडवे आव्हान
लघरच्या जागावाटपात शिवसेनेला झुकते माप दिले असले, तरी जेथे बहुजन विकास आघाडी आणि शिवसेनेची लढत आहे, तेथे भाजपमधील उफाळलेल्या नाराजीमुळे बविआच्या खांद्यावरून शिवसेनेवर नेम धरण्याचे प्रयत्न सुरू असल्याची चर्चा पक्षाच्या कार्यकर्त्यांत आहे.
यापूर्वीचा अनुभव लक्षात घेता प्रचाराच्या शेवटच्या टप्प्यात शिवसेना- बविआच्या नेत्यांचे ‘रात्रीचे खेळ’ कसे रंगतात, त्यातून चित्र कसे बदलते त्याकडे सर्वांचे लक्ष आहे.

पालघर लोकसभा मतदारसंघ शिवसेनेला दिल्यापासून भाजपमध्ये असलेली खदखद युतीच्या जागावाटपानंतर बाहेर पडली. त्याचे पडसाद नालासोपाऱ्यात उमटले. बोईसरमध्ये भाजपचे बंडखोर संतोष जनाठे रिंगणात आहेत. त्यांच्यामागे सारी संघटना आणि परिवार प्रचारात आहे. लोकसभेची उमेदवारी नाकारलेले श्रीनिवास वनगा पालघरमध्ये रिंगणात आहेत. त्यांची लढत काँग्रेसचे योगेश नम यांच्यासोबत आहे. तेथे बंड केलेले माजी आमदार अमित घोडा यांची शिवसेना स्टाईल समजूत काढल्याने या लढतीतील चुरस कमी झाली आहे.
मागील निवडणुकीत मोदी लाट असतानाही बविआने तीन जागा राखल्या होत्या. वसईत बविआचे हितेंद्र ठाकूर यांची लढत शिवसेनचे विजय पाटील यांच्याशी, तर नालासोपाºयात क्षितीज ठाकूर यांची लढत माजी पोलीस अधिकारी प्रदीप शर्मा यांच्याशी होत आहे. त्यातील नालासोपाºयात भाजप-शिवसेनेतील बेबनाव सतत समोर येत आहे.
विक्रमगडमध्ये माजी मंत्री विष्णू सवरा यांचा मुलगा डॉ. हेमंत यांना भाजपने उमेदवारी दिल्यानंतर त्या पक्षातील नाराजी उफाळून आली. घराणेशाहीची चर्चा रंगली. ते बंड शमवण्यात आले, पण शिवसेनेतील नाराजी कायम आहे. त्याचा फायदा उठवण्याचा प्रयत्न राष्ट्रवादीचे उमेदवार सुनील भुसारा करीत आहेत. डहाणूमध्ये भाजपचे पास्कल धनारे आणि माकपचे विनोद निकोले यांच्यातील लढत चुरशीची होईल, असे दिसते. दोन्ही उमेदवारांकडे भक्कम संघटनात्मक ताकद आहे. पण लोकसभेवेळी येथील मतदारांनी सत्ताधाऱ्यांपेक्षा विरोधकांच्या पदरात अधिक मतांचे माप टाकले होते.

रंगतदार लढती
बविआतून दोन वेळा बोईसरचे आमदार असलेले आणि आता शिवसेनेकडून लढणारे विलास तरे आणि बविआचे राजेश पाटील यांच्यात थेट लढत असली, तरी भाजपचे बंडखोर संतोष जनाठे यांच्यामुळे लढत चुरशीची बनली आहे.
नालासोपाºयात बविआचे विद्यमान आमदार क्षितिज ठाकूर विरुद्ध शिवसेनेचे प्रदीप शर्मा ही लढत गाजते आहे. येथे सर्वाधिक १४ उमेदवार रिंगणात आहेत.
संघ परिवाराच्या पाठबळावरील भाजपचे पास्कल धनारे आणि तशीच संघटनात्मक बांधणी असलेले माकपचे विनोद निकोले यांच्यात डहाणूमध्ये काँटे की टक्कर होत आहे.

प्रचारातील प्रमुख मुद्दे
१वाढवण बंदर उभारणीच्या हालचालीसोबत डहाणूतील पर्यावरण प्राधिकरण हटविण्याबाबतच्या छुप्या हालचाली.
२ मच्छीमारांच्या अनेक प्रलंबित मागण्या, तसेच हद्दीच्या वादामुळे उद््भवलेल्या समस्यांमुळे मासेमारी व्यवसायावर आलेले गंडांतर.
३स्थानिकांचा रोजगार, त्या अनुषंगाने होणारे स्थलांतर आणि कुपोषण.
४सूर्या धरणाचे पाणी सिंचनासाठी न देता ते वसई-विरार, भाईंदरला वळवण्यास विरोध.
५ घनकचरा व सांडपाणी व्यवस्थापनाची कमतरता..
६ वाढते औद्योगिक प्रदूषण. त्याचे आरोग्यावर होणारे परिणाम.
७बुलेट ट्रेन, मुंबई-बडोदा कॉरिडॉर, फ्रेट कॉरिडॉर, अहमदाबाद महामार्गासाठीचे भूसंपादन. त्यातून होणारे विस्थापन.