बोईसरला घरफोड्यांनी चोरले २० तोळे सोने

येथील विद्यानगर मधील फ्रेंड्स कॉलनीतील कमळाकर चुरी यांचा तळमजल्यावरील फ्लॅट रविवारी दुपारी दिवसाढवळ्या चोरट्यांनी फोडून कपाटातील लॉकरमध्ये

- लोकमत न्यूज नेटवर्क
बोईसर : येथील विद्यानगर मधील फ्रेंड्स कॉलनीतील कमळाकर चुरी यांचा तळमजल्यावरील फ्लॅट रविवारी दुपारी दिवसाढवळ्या चोरट्यांनी फोडून कपाटातील लॉकरमध्ये ठेवलेले २० तोळे सोने चोरून नेले आहे.
चुरी आपल्या कुटुंबासह जव्हार येथे पावसाळी पिकनिकसाठी रविवारी सकाळी साडे दहा वाजता गेल्या नंतर काही अवधीतच चोरट्यांनी संधी साधून सुमारे सहा लाखाचे दाग दागिने चोरून नेले आहेत चोरटे हे त्यांचे एक हत्यार फोडलेल्या कपाटाजवळ विसरून गेले असून या संदर्भात बोईसर पोलिसात गुन्हा दाखल करण्यात आला आहे.
दरम्यान आज स्थानिक गुन्हे शाखेचे अधिकारी, बोईसर विभागाचे उपविभागीय अधिकारी फत्तेसिंह पाटील, निरीक्षक विजय शिंदे, सहाय्यक निरीक्षक मानसिंग पाटील यांच्या सह फॉरेन्सिक लॅबच्या टीमने घटनास्थळाची पाहणी करून तपास सुरू केला आहे.
अत्यंत गजबजलेल्या व वाहतुकीची वर्दळ असलेल्या रस्त्यालगत दिवसा एवढी मोठी चोरी झाल्याने परिसरात चिंतेचे वातावरण आहे. तर जनतेत चोरटे हे माहितगार असल्याची चर्चा आहे.