coronavirus: वसई- विरारमधील कोरोनाबाधितांच्या संख्येत झपाट्याने वाढ, 24 तासांत सापडले 79 रुग्ण
By ऑनलाइन लोकमत | Published: June 10, 2020 11:42 PM2020-06-10T23:42:49+5:302020-06-10T23:43:21+5:30
बुधवारी वसई विरार महापालिका हद्दीत सर्वाधिक असे 79 कोरोना बाधित रूग्ण आढळून आल्याने सर्वत्र खळबळ माजली असून बुधवारी नालासोपारा पुर्व व पश्चिम भागातील महिला व पुरुष असे दोन रूग्ण देखील मयत झाले
coronavirus: वसई- विरारमधील कोरोनाबाधितांच्या संख्येत झपाट्याने वाढ, 24 तासांत सापडले 79 रुग्ण
वसई - वसई विरार शहरात बुधवारी सर्वाधिक असे 79 कोरोना बाधित रूग्ण आढळून आल्याने आता पालिका हद्दीतील एकूण कोरोना बाधितांची रुग्ण संख्या 1247 वर पोहचली असून चिंताजनक म्हणजे बुधवारी नालासोपारा मधील दोन रुग्णाचा मृत्य देखील झाला.
तर दिवसभरात 54 रुग्णाना वसईतील विविध रुग्णालयातून मुक्त देखील करण्यात आल्याची माहिती पालिकेने दिली आहे. दरम्यान, बुधवारी वसई विरार महापालिका हद्दीत सर्वाधिक असे 79 कोरोना बाधित रूग्ण आढळून आल्याने सर्वत्र खळबळ माजली असून बुधवारी नालासोपारा पुर्व व पश्चिम भागातील महिला व पुरुष असे दोन रूग्ण देखील मयत झाले असल्याने आता वसई -विरार मध्ये कोरोनाने आजवर मयत झालेल्या रुग्णाची एकूण संख्या 44 इतकी झाली आहे .
तर आजवर आणि दिवसभरात कोरोना रोगावर मात करून बुधवारी 54 रूग्ण पूर्णतः बरे झालेले असून यात वसई -4, नालासोपारा-38 आणि विरार -12 रुग्ण मुक्त झाले त्यामुळे आता एकूण मुक्त रुग्णाची संख्या 688 इतकी झाली आहे, तर आतापर्यंत शहरात विविध रुग्णालयात एकूण 515 रुग्ण कोरोना वर उपचार घेत आहेत. एकूणच शहरात वर्दळ वाढत असतांना दिवसेंदिवस कोरोना बाधित रुग्णाची देखील संख्या वाढती असल्याने ही बाब पालिकेच्या दृष्टीने चिंतेची बनून राहिली आहे.
