CoronaVirus News in Vasai-Virar : वसई-विरारमध्ये आढळले २४ रुग्ण; बाधितांची संख्या ३४२

CoronaVirus News in Marathi and Live Updates : वसई-विरारमध्ये एकूण कोरोनाबाधितांची संख्या ३४२ वर पोहचली आहे. १३ जणांचा मृत्यू झाला आहे.

वसई : वसई-विरार महापालिका हद्दीत सोमवारी २४ नवे कोरोनाबाधित रुग्ण आढळून आले. तर, ८ रुग्ण कोरोनामुक्त झाले आहेत. दरम्यान, विरारमध्ये ११ व १६ वर्षांची दोन मुले तर नालासोपारात १९ व २० वर्षांचे तरुण-तरुणी बाधित आढळले.
वसई-विरारमध्ये एकूण कोरोनाबाधितांची संख्या ३४२ वर पोहचली आहे. १३ जणांचा मृत्यू झाला आहे. दरम्यान, सोमवारी पालिका हद्दीत वसईतील तीन, विरार पूर्व-पश्चिममधून दोन आणि नालासोपारामधून तीन असे एकूण ११ जण कोरोनामुक्त झाले आहेत. यामुळे आता कोरोनावर मात केलेल्यांची संख्या १७१ वर गेली आहे, तर १५८ बाधितांवर उपचार सुरू आहेत.