प्रेमप्रकरणातून केला विष पाजण्याचा प्रयत्न, प्रियकराला धडा शिकवण्यासाठी सूड

लग्नाला नकार देणाऱ्या प्रियकराला धडा शिकवण्यासाठी त्याच्या पाच वर्षाच्या मुलीला ठार मारण्याची घटना ताजी असतानाच अशाच प्रकरणातून एका महिलेने प्रियकराच्या पाच वर्षाच्या मुलीचे विरारमधून अपहरण करून मुंबईत तिला विष पाजून ठार मारण्याचा प्रयत्न केला. मात्र, दैव बलवत्तर असल्याने चिमुरडी बचावली असून पोलिसांनी त्या महिलेला अटक केली आहे.

वसई - लग्नाला नकार देणाऱ्या प्रियकराला धडा शिकवण्यासाठी त्याच्या पाच वर्षाच्या मुलीला ठार मारण्याची घटना ताजी असतानाच अशाच प्रकरणातून एका महिलेने प्रियकराच्या पाच वर्षाच्या मुलीचे विरारमधून अपहरण करून मुंबईत तिला विष पाजून ठार मारण्याचा प्रयत्न केला. मात्र, दैव बलवत्तर असल्याने चिमुरडी बचावली असून पोलिसांनी त्या महिलेला अटक केली आहे.
गेल्या शनिवारी नालासोपाºयातील अनिता वाघेला (२२) या तरुणीने रिक्शाचालक संतोष सरोज याच्याशी असलेल्या प्रेमसंबंधातून संतोष लग्नाला नकार देत असल्याने त्याची मुलगी अंजली सरोज (५) हिचे नालासोपाºयातून अपहरण करून गुजरातमधील नवसारी रेल्वे स्टेशनमधील महिला स्वच्छतागृहात नेऊन तिला ठार मारले होते. त्यामुळे वसईत खळबळ उडाली होती. ही घटना ताजी असतानाच असाच एक प्रकार विरारमध्ये उजेडात आला आहे. चांदीप येथे राहणाºया ज्योती कांबळे (२४) हिचे त्याच गावात राहणाºया एका विवाहित इसमाशी प्रेमसंबंध होते. प्रेमप्रकरणातून दोनवेळा गर्भपातही झाला होता. मात्र, तो लग्नाला नकार देत असल्याने ज्योती संतापली होती. त्यामुळे तिने त्याला धडा शिकवण्याचा निर्णय घेतला. प्रियकराची पाच वर्षांची मुलगी विरारमधील एका शाळेत शिकत होती. शनिवारी ज्योतीने शाळेत जाऊन तिला आपल्यासोबत घेऊ़न लोकल पकडून दादरमधील एका उद्यानात गेली. त्या ठिकाणी ज्यूसमधून तिने चिमुरडीला विष पाजले. आणि स्वत:च्या हाताने तिच्यावर क्रूरपणे लैंगिक अत्याचार केले. चिमुरडीला ग्लानी आल्यानंतर ती तिला घेऊन टॅक्सी पकडून महालक्ष्मी मंदिराजवळ आली. तेथेच तिला फूटपाथवर टाकून ती घरी परत आली. गावदेवी पोलीस ठाण्यातील एका हवालदाराला चिमुरडी रस्त्यावर निपचित पडलेली दिसली. त्यांनी लोकांच्या मदतीने तिला ब्रिच कँडी हॉस्पीटलमध्ये नेले. तसेच तिच्या गणवेशावरून शाळेच्या मुख्याध्यापकाशी संपर्क साधला. पोलिसांच्या मदतीने ते हॉस्पीटलमध्ये पोचले. इकडे पोलिसांनी शाळेपासून ते थेट रेल्वे स्टेशनपर्यंतचे सीसीटीव्ही फुटेज काढले. त्यात एक महिला तिला घेऊन जात असल्याचे दिसले. पालकांनी ती ज्योती असल्याचे ओळखल्यानंतर तिला अटक केली.

लहानगीवर अत्याचाराचा विकृ त प्रकार

ज्योतीचे मुलीच्या वडिलांवर प्रेम होते. पण, तो शारिरिक संबंध ठेऊनही लग्नाला नकार देत होता. आपली फसवणुक झाल्याची भावना झाल्याने ती संतापली होती. त्यातूनच तिने सूड उगवण्याचे निर्णय घेतला. प्रियकराच्या पाच वर्षांच्या मुलीला कायमची संपवून तिने धडा शिकवण्यासाठी तिचे अपहरण करून तिला विष पाजून ठार मारण्याचा प्रयत्न केला. इतकेच नाही तर मुलीवर स्वत:च्या हाताने लैंगिक अत्याचार केल्याची कबुली तिने दिली आहे.