वसई पूर्वेस 2 सिलिंडरचा स्फोट; 6 टपऱ्या जळून खाक

Fire news: कुठलीही जिवीतहानी नाही. टपरी धारकांचे लाखोंचे नुकसान; वालीव नाक्यावर ची गुरुवार रात्री 1 ची घटना

लोकमत न्यूज नेटवर्क

वसई : 

वसई पूर्वेच्या वालीव नाक्यालगत असलेल्या 6 टपऱ्याच्या दूकांना मधील गॅस सिलेंडरचा स्फोट होऊन भीषण आग लागल्याची दुर्देवी घटना घडलेल्या गुरुवारी मध्यरात्री 1 च्या सुमारास घडलल्याचे ग्रामस्थांनी सांगितले.

दरम्यान अचानक गॅस सिलेंडर चा स्फोट व भीषण आगीची घटना घडल्याची माहिती गावकऱ्यांनी त्वरित वालीव पोलिस व वसई विरार महापालिका अग्निशमन दलाच्या जवानांना कळवल्यावर घटनास्थळी धाव घेत तीन बंब व जवानांनी शर्तीचे प्रयत्न करून ही आग आटोक्यात आणली.

या आगीत वालीव नाक्यावर ची सलग अशी  6 टपरी ची दुकाने जळून खाक झाली आहेत. 

नशीब बलवत्तर म्हणून यात कोणतीही जीवितहानी झाली नाही. मात्र टपरी चालकांचे लाखोंचे नुकसान झाले.

या वालीव नाक्यावरील मोबाईल,कपडे , चप्पल,फरसाण,व  स्वीट मार्ट अशी दुकाने रस्त्यालगत उभी करण्यात आली होती मात्र आता नेमकं गॅस सिलेंडर कोणत्या दुकानातून फुटलं याचा शोध अग्निशमन दल व पोलीस घेत आहेत.

किंबहुना या भीषण घटनेन पुन्हा एकदा रस्त्याला लागून असलेल्या व बेकायदेशीर असलेल्या टपऱ्या व दुकानांचा प्रश्न ऐरणीवर आला आहे.