डहाणूतील विशाल ट्रेडर्स मॉलमध्ये अग्नितांडव, एकाचा मृत्यू

डहाणूतील कासा येथील विशाल ट्रेडर्स मॉलला भीषण आग लागली आहे.

पालघर : डहाणूतील कासा या ठिकाणी असलेल्या विशाल ट्रेडर्स मॉलला भीषण आग लागली आहे. या मॉलमधून सहा जणांना बाहेर काढण्यात यश आले आहे. तर एकजण मॉलमध्ये अडकून मृत्यू झाला आहे. यामध्ये मोठे नुकसान झाल्याची भीती व्यक्त होते आहे. तेलाचे ड्रम, धान्य गोदाम असल्याने आग आणखी वाढली होती.

अग्निशमन दलाच्या दोन गाड्या घटनास्थळी दाखल झाल्या आहेत. त्यांच्याकडून आगीवर नियंत्रण आणण्याचे काम सुरु आहे.विशाल ट्रेडर्स ही दोन मजली इमारत आहे. कासा शहरातील हा मोठा मॉल आहे. पहाटे तीनच्या दरम्यान अचानक आग लागली आग अजूनही भडकलेली आहे. ग्राऊंड फ्लोअरवर मॉल, पहिल्या मजल्यावर गोडाऊन्स आणि दुसऱ्या मजल्यावर रहिवासी घरे या इमारतीत आहेत. आग नेमकी का लागली ते स्पष्ट झालेले नाही. मात्र ही आग नियंत्रणात आणण्याचे कसोशीचे प्रयत्न सुरु केले आहेत.

या घटनेत कोट्यवधी रुपयांचे नुकसान झाल्याची माहिती समोर आली आहे. मुख्य बाजारपेठेत हा मॉल असल्याने दुसऱ्या दुकानांना आगीची झळ पोचू नये म्हणून अग्निशमन दलाकडून विशेष काळजी घेण्यात आली.दरम्यान, गेल्या 15 दिवसांत कासा परिसरात आग लागण्याची ही तिसरी घटना आहे.  

#Visuals: Fire broke out inside a building in Kasa market of Dahanu Taluka in Palghar district at around 3 am. 6 people have been rescued from the building, fire fighting operations underway. #Maharashtrapic.twitter.com/rqFWephmf0

— ANI (@ANI) March 14, 2018

 

Fire broke out inside a building in Kasa market of Dahanu Taluka in Palghar district at around 3 am. 6 people have been rescued from the building, fire fighting operations underway. #Maharashtra

— ANI (@ANI) March 14, 2018