वसईच्या अंबाडी रोड मुख्य रस्त्यावरील ते "हेरिटेज झाड" उन्मळून पडले; जीवितहानी नाही

मोठाले झाड उन्मळून रस्त्यावर पडल्याची दुर्दैवी घटना गुरुवारी (दि.20)  सकाळी 6 च्या सुमारास घडली आहे.

- आशिष राणे

वसई: वसई पश्चिमेला मुख्य रस्त्या बाजूस विशालनगर येथील अंदाजे 100 वर्ष जुने हेरिटेज असलेलं एक मोठाले झाड उन्मळून रस्त्यावर पडल्याची दुर्दैवी घटना गुरुवारी (दि.20)  सकाळी 6 च्या सुमारास घडली आहे.

दरम्यान रात्री पडत असलेली पावसाची संततधार व वाऱ्यामुळे हे विशालनगर स्थित जुने झाड उन्मळून खाली पडले असल्याचं स्थानिक रहिवाश्यानी सांगितले. तर या घटनेमध्ये झाडाच्या सोबत विजेचा पोल देखील एका बाजूने झुकला असून पहाटेच्या घटनेमूळे सुदैवाने याठिकाणी कोणतीही जीवितहानी किंवा कोणी जखमी सुध्दा झाली नसल्याचे प्रथमदर्शनी नागरिकांनी सांगितले. या घटनेची माहिती स्थानिकांनी नजीकच्या अग्निशमन व माणिकपूर पोलिसांना देण्यात आली असून रस्त्यावर पडलेल झाड बाजूला काढून रस्ता मोकळा करण्याचे काम सुरू होते.