दोन अपघातात तीन ठार, एक गंभीर, चार जखमी

मुंबई अहमदाबाद महामार्गावर दोन अपघातात एक महिला सह तीन जणांचा मृत्यू झाला तर एक तरूण गंभीर जखमी झाला. त्यास खाजगी रुग्णालयात उपचारासाठी दाखल केले आहे.

मनोर : मुंबई अहमदाबाद महामार्गावर दोन अपघातात एक महिला सह तीन जणांचा मृत्यू झाला तर एक तरूण गंभीर जखमी झाला. त्यास खाजगी रुग्णालयात उपचारासाठी दाखल केले आहे.
मुंबई अहमदाबाद महामार्गावर रात्री आठच्या सुमारास हलोली पडवळ पाड्याजवळ गुजरात मार्गावरून वरून मुंबई मार्गावर अवैध क्रॉसिंग मार्गे मोटर सायकलवरून जात असतांना गुजरात कडून भरधाव वेगात येणाºया कारची धडक बसल्याने सदू नामा जाधव वय ५२ रा. पडवळ पाडा हे जागीच ठार झाले तर वसंत माणिक पाटील वय ३५ रा निहे नागझरी यांना गंभीर दु:खापत झाली असून उपचारासाठी खाजगी रुग्णालयात दाखल केले आहे.
दुसरा अपघात मुंबई अहमदाबाद महामार्गावर सतीवली गावाच्या हद्दीत झाला. मुबईच्या दिशेने जात असतांना चालकाचा कार वरील नियंत्रण सुटल्याने ती उलटली. त्यामध्ये चालक लावेद इकबाल मनसुरी (३५) व सविता शांतीलाल मेहता (४१) रा वापी याना गंभीर दु:खापत होऊन त्यांचा मृत्यू ओढावला. मनोर पोलीस ठाण्यात मोटर अपघाताचा गुन्हा दाखल असून अधिक तपास पोलीस उपनिरीक्षक अक्षय सोनावणे करीत आहे. या महामार्गावर रोजच अपघात घडत आहेत.
विरारमध्ये कार धडकेत चार जखमी-
१भरधाव वेगात असलेल्या एका कारने दिलेल्या धडकेत चार जण जखमी झाले असून त्यातील एका तरुणीची प्रकृत्ती गंभीर आहे. अपघातानंतर जखमींना हॉस्पीटलमध्ये पोहोचवून चालक कार घेऊन पसार झाला.
२ही घटना सकाळी सातच्या सुमारास वसईतील अग्रवाल नाक्यावर घडली. भरधाव वेगात आलेल्या एका कारने रस्त्यालगत चालत असलेल्या चौघांना धडक दिली.
३कारच्या धडकेत मॉर्निंग वॉक करीत असलेले भारत पाटील, कॉलेजला निघालेले संकेत पंडित आणि सिमरन पंडित हे बहिण भाऊ यांच्यासह वैभवी त्रिपाठी जखमी झाले. डोक्याला जबर मार लागून जखमी झालेल्या वैभवीची प्रकृत्ती चिंताजनक आहे.
४अपघातानंतर कार चालकाने जखमींना इतरांच्या मदतीने एका हॉस्पीटलमध्ये दाखल केले. त्यानंतर तो पसार झाला. याप्रकरणी माणिकपूर पोलीस ठाण्यात गु्न्हा दाखल करण्यात आला असून पोलीस कार आणि चालकाचा शोध घेत आहेत.