सहा वर्षांच्या मुलावर नालासोपाऱ्यात अत्याचार

नालासोपारा येथे एका सहा वर्षांच्या मुलावर लैंगिक अत्याचार केल्याप्रकरणी तुळींज पोलिसांनी जावेद नावाच्या ४० वर्षीय व्यक्तीला अटक केली. ही घटना १४ आॅगस्टला घडली.

विरार : नालासोपारा येथे एका सहा वर्षांच्या मुलावर लैंगिक अत्याचार केल्याप्रकरणी तुळींज पोलिसांनी जावेद नावाच्या ४० वर्षीय व्यक्तीला अटक केली. ही घटना १४ आॅगस्टला घडली.
नालासोपारा पूर्वेकडील साईनगर येथे राहणाऱ्या जावेदने १४ आॅगस्टला संध्याकाळी साडेपाचच्या दरम्यान त्या परिसरातीलच एका सहा वर्षाच्या मुलाला चॉकलेटचे आमिष दाखवून आपल्या कार्यालयात बोलावून घेतले. त्याठिकाणी जावेदने त्या मुलावर लैंगिक अत्याचार केले.
पालकांना हा प्रकार समजल्यानंतर त्यांनी गुरुवारी रात्री तुळींज पोलीस ठाण्यात फिर्याद दिली. पोलिसांनी लहान बालकांचे लैंगिक अत्याचार प्रतिबंधक अधिनियम अन्वये गुन्हा दाखल करून जावेदला अटक केली. शहरातील अत्याचाराच्या वाढत्या घटनांमुळे पालकांमध्ये भीतीचे तसेच चिंतेचे वातावरण आहे. (प्रतिनिधी)