ट्रेलर खाली सापडून दुचाकीस्वारचा मृत्यू

मीरारोड - अंधेरी येथे मिठाईची ऑर्डर देण्यास चाललेल्या दोघां पैकी एक दुचाकीस्वारला वेस्टर्न हॉटेल सिग्नल जवळ मागून भरधाव आलेल्या ट्रेलर खाली सापडून मरण पावला . लोकांनी ट्रेलर चालकास पकडून पोलिसांच्या ताब्यात दिले .

मुकेश प्रजापती मिठाई दुकानात कमला असून बुधवारी अंधेरी येथे मिठाईची ऑर्डर द्यायची म्हणून मित्र रामा गणेशलाल डांगी (३५) यांना दुचाकी वर मागे बसवून अहमदाबाद - मुंबई महामार्गावरून चालले होते . सकाळी पावणे सातच्या सुमारास सिग्नल लागल्याने वेस्टर्न हॉटेल समोरील सिग्नलवर थांबले . सिग्नल सुरु झाल्याने दुचाकी पुढे नेत असतानाच मागून भरधाव आलेल्या ट्रेलरने जोरात धडक दिली . दुचाकी सह मुकेश व रामा खाली पडले आणि ट्रेलरचे मागचे चाक रामाच्या अंगावरून गेल्याने त्याचा मृत्यू झाला . मुकेश यांना गुडघ्याला खरचटले . अपघाता नंतर ट्रेलर चालक पळू लागल्याने जमलेल्या लोकांनी त्याला पकडून काशीमीरा पोलिसांच्या स्वाधीन केले . पोलिसांनी ट्रेलर चालकावर गुन्हा दाखल करून त्याला ताब्यात घेतले .