मांडवी पोलिसांची ऑनलाईन फसवणूक करणाऱ्या दुकलीला राजस्थानमधून अटक

मांडवी पोलीस ठाण्याच्या हद्दीत राहणारे गुगल सर्चवर जवळपास हॉटेलबाबत शोध घेतला.

लोकमत न्यूज नेटवर्क, नालासोपारा (मंगेश कराळे) :- हॉटेल शोधण्यासाठी गुगलवर शोध घेताना ऑनलाईन पेमेंट करण्यास सांगून फसवणूक करणाऱ्या दोन आरोपींना राजस्थान राज्यातून मांडवी पोलिसांनी अटक केल्याची माहिती जनसंपर्क अधिकारी प्रवीण बनगोसावी यांनी मंगळवारी दिली आहे.

मांडवी पोलीस ठाण्याच्या हद्दीत राहणारे गुगल सर्चवर जवळपास हॉटेलबाबत शोध घेतला असता, व्हॉटसऍपवर मोबाईल क्रमांक ९५०९८५३१८७ उपलब्ध झाला. त्या नंबरवर व्हॉटसऍपवर मॅसेज पाठवला. त्या नंबरवरुन व्हॉटसऍप कॉल करुन हॉटेल बुकींग करीता ६३६७४१५३७४ वर ऑनलाईन पेमेंट पाठविण्यास सांगितले. फिर्यादीनी ऑनलाईन पेमेंट पाठविल्यानंतर त्यांना व्हॉटसऍपवर लिंक आली. त्या लिंकवर फिर्यादीने व्हॉटसऍप कॉन्फरन्स कॉल करुन आरोपीने ऑनलाईन पेमेंट पोर्टलच्या माध्यमातून एकुण ८ ट्रान्झॅक्शव्दारे ८८ हजार रुपये राज्यस्थान राज्यातील आरोपीने खात्यावर जमा करुन आर्थिक फसवणूक केली होती. मांडवी पोलिसांनी २२ मे रोजी गुन्हा दाखल करण्यात आला होता. 

नमूद गुन्हयाच्या तपासात तांत्रिक विश्लेषणाच्या आधारे आरोपी लक्ष्मराज संजयसिह झाला (२२) आणि सुभाष प्रभुलाल मकवाना (२१) यांचा सहभाग निपन्न होत असल्याने राज्यस्थानच्या बांसवाडा येथे पोलीस पथक पाठवून ताब्यात घेऊन ५ ऑगस्टला अटक करण्यात आली. या गुन्ह्याच्या तपासामध्ये आरोपींनी उपरोक्त गुन्हयाशिवाय इतर अनेक लोकांची फसवणुक केल्याचे तपासात निष्पन्न होत आहे. लोकांची फसवणुक केली आहे.

तरी आरोपीने याप्रमाणे मोबाईलल नंबर व बॅक खाते वापरुन अश्या प्रकारे फसवणुक केल्याप्रकरणी पोलीस ठाण्यात दाखल गुन्हे/तक्रारी अर्ज असल्यास मांडवी पोलीस ठाण्याशी संपर्क करावा असे आव्हान केले आहे. गुन्हयात अटक आरोपीची १० ऑगस्ट पर्यंत पोलीस कस्टडी आहे. या गुन्हयाचा तपास वरिष्ठ पोलीस निरीक्षक प्रफुल्ल वाघ हे करीत आहेत.