वसईच्या सनसिटी - गास रस्त्यावर तवेरा गाडीने अचानक घेतला पेट 

गुरुवारची पहाटेची घटना; सुदैवाने जीवितहानी नाही

- आशिष राणे, वसई

लोकमत न्यूज नेटवर्क

वसई : वसई पश्चिमेच्या सनसिटी - गास रस्त्यावर एका चारचाकी तवेरा गाडीने अचानक पेट घेतल्याची घटना गुरुवारी पहाटे 6 च्या सुमारास घडली आहे.

सुदैवाने या जळीत घटनेत कुठल्याही प्रकारची जीवितहानी झाली नसल्याने मोठा अनर्थ टळला.

अधिक माहिती नुसार गुरुवारी भल्या पहाटे 6 च्या सुमारास गास गावातील काही तरुण मंडळी पर्यटनासाठी तवेरा या चारचाकी गाडीने महाबळेश्वर साठी रवाना होत असताना अचानकपणे गाडीच्या इंजीनाने मोठा पेट घेतला असता त्वरित प्रसंगावधान राखून हे तरूण लागलीच गाडी बाहेर पडले व नजीकच्या अग्निशमन दलाच्या जवानांना बोलावलं 

दरम्यान अग्निशमन दलाच्या जवानांनी आगीवर नियंत्रण मिळवले मात्र नेमकी ही आग कशी लागली याचे कारण कळले नाही तर केवळ गाडीच्या इंजीननेच पेट घेतल्याने गाडीचे खूप मोठं आर्थिक नुकसान झाले आहे परंतु या घटनेत कुठलीही जीवित अथवा कोणी जखमी न झाल्याने मोठी दुर्घटना टळली असेच म्हणावे लागेल.