जिल्ह्यात स्वच्छ ग्राम स्पर्धेत वेवजी ग्रामपंचायत प्रथम

सोमवारी यशवंतराव चव्हाण प्रतिष्ठान, मुंबई येथे पार पडलेल्या स्वच्छता मेळावा आणि सन्मान सोहळ्यात पालघर जिल्ह्यात

लोकमत न्यूज नेटवर्क
तलासरी : सोमवारी यशवंतराव चव्हाण प्रतिष्ठान, मुंबई येथे  पार पडलेल्या स्वच्छता मेळावा आणि सन्मान सोहळ्यात पालघर जिल्ह्यात स्वच्छ ग्राम स्पर्धेत प्रथम क्रमांक मिळविणाऱ्या वेवजी या ग्रामपंचायतीला सन्मानित करण्यात आले. हा कार्यक्र म पाणी पुरवठा व स्वच्छता विभागामार्फत आयोजित करण्यात आला होता. यात संत गाडगेबाबा ग्रामस्वच्छता अभियान अंतर्गत जिल्हास्तरीय राष्ट्रसंत तुकडोजी महाराज स्वच्छ ग्राम स्पर्धेत
पालघर जिल्ह्यात वेवजी ग्रामपंचायतीला प्रथम पुरस्कार घोषित झाला होता. पाणीपुरवठा व स्वच्छता विभागाचे मंत्री बबनराव लोणीकर व प्रधान सचिव राजेश कुमार यांच्या हस्ते ग्राम विकास अधिकारी मंगेश पाटील व सरपंच अनंता खुलात यांनी हा पुरस्कार स्वीकारला. कार्यक्रमांस मुख्यमंत्री देवेंद्र फडणवीस, स्वच्छ भारत मिशनचे अ‍ॅम्बेसेडर अमिताभ बच्चन, महारष्ट्र राज्याच्या युनिसेंफ च्या प्रमुख राजेश्वरी व इतर मान्यवर उपस्थित होते.