पत्नीने आत्महत्या केली, म्हणून पतीवर गुन्हा!

मुलीच्या वडिलांनी शनिवारी विरार पोलीस ठाण्यात तक्रार केल्यावर पोलिसांनी पतीवर गुन्हा दाखल केला असून त्याला अटक केली आहे.

नालासोपारा : विरार पूर्वेकडील मनवेलपाडा येथील तलावाच्या बाजूला असलेल्या इमारतीमध्ये राहणाऱ्या २४ वर्षीय विवाहितेने गळफास घेऊन शनिवारी रात्रीच्या सुमारास आत्महत्या केल्याची घटना घडली होती. मानसिक व शारीरिक छळ करून हुंडा आणण्याचा तगादा सासरच्यांनी लावल्याने आत्महत्या केली म्हणून मुलीच्या वडिलांनी शनिवारी विरार पोलीस ठाण्यात तक्रार केल्यावर पोलिसांनी पतीवर गुन्हा दाखल केला असून त्याला अटक केली आहे.

मुंबईच्या कांदिवली येथील चारकोप परिसरात राहणारे व पेशाने रिक्षा ड्रायव्हर असलेले अशोक कुमार यज्ञनारायण पांडे (४९) यांची मुलगी प्रियंका सुधीर मिश्रा (२४) हिचे विरार पूर्वेकडील मनवेल पाडा तलावाजवळील नवकार अपार्टमेंटमधील सदनिका नंबर ४०४ मध्ये राहणाºया सुधीर द्वारकानाथ मिश्रा (२६) याच्यासोबत लग्न झाले होते. तेव्हापासून जून २०१५ ते २० जुलै २०१९ पर्यंत तुझ्या माहेरून पैसे आणण्यासाठी शारीरिक व मानसिक त्रास सुधीर दररोज द्यायचा. शिविगाळ करून मारहाण होण्याच्या रोजच्या त्रासाला कंटाळून प्रियंकाने २० जुलै शनिवारी रात्री पावणे बाराच्या सुमारास बेडरुमधील छताला असलेल्या हुकाला ओढणीच्या साह्याने गळफास घेऊन आत्महत्या केली होती. आपल्या मुलीच्या मृत्यूला पतीच जवाबदार असल्याची तक्रार विरार पोलीस ठाण्यात पांडे यांनी दिली. पतीवर आत्महत्येस प्रवृत्त केल्याप्रकरणी गुन्हा दाखल आहे.