वाशिम-मालेगाव मार्गावर बस अपघातात ४ प्रवासी जखमी

मालेगाव ते वाशिम रस्त्त्यावर समाेर असलेल्या एका कंटेनरच्यापुढे दुचाकीस्वार आल्याने चालकाने अचानक ब्रेक लावले. यावेळी कंटेनरच्या पाठीमागे असलेल्या बस क्रमांक एम.एच. ४० एन ८९३१ अकाेला - उमरखेडच्या चालकानेसुध्दा ब्रेक लावले. मात्र या बसच्या पाठीमागून येत असलेल्या अकाेला-वाशिम एम. एच . ४० एन ९७९४ च्या बसचालकाकडून संतुलन बिघडल्याने ब्रेक लागले नाहीत. यामुळे समाेर असलेल्या अकाेला-उमरखेड बसला या बसने जबर धडक दिली. यामध्ये बसलेल्या ४ प्रवाशांना मार लागला. ताबडताेब नागरिकांनी जखमींना वाशिम येथील सरकारी दवाखान्यात रेफर केले. तेथून काही रुग्णांना अकाेला येथे रेफर करण्यात आले. या अपघातामुळे बराच वेळपर्यंत वाहतूक विस्कळीत झाली हाेती. तसेच या अपघतात दाेन्ही बसचे माेठ्या प्रमाणात नुकसान झाल्याचे दिसून येत आहे.