कंझरा येथे ५० युवकांनी केले रक्तदान

सामाजिक कार्यकर्ते पांडुरंग कोठाळे यांनी अत्यवस्थ रुग्णांना तात्काळ रक्त मिळावे हा दृष्टिकोन समोर ठेवून रक्तदान शिबिर आयोजित केले होते. या शिबिरात अनेक युवकांनी पुढाकार घेऊन रक्तदान केले. यावेळी सर्वप्रथम पांडुरंग कोठाळे, हरणे, अजय अग्रवाल, जलील खान, सूरज हांडे, विनोद पवार, रामा येवले, यांनी हनुमान मूर्तीचे पूजन करून शिबिरास सुरुवात केली. या कार्यक्रमाचे यशस्वीतेकरिता गजानन वावगे, रवी भेराने, पांडुरंग खोरने, सागर वावगे, प्रशांत शेगोकर, कृष्णा मुखमाले, रोशन तायडे, ऋषिकेश हरणे, कुणाल सुर्वे, उमेश इंगोले, सतीश हरणे, तसेच जय बजरंग मित्रमंडळ कार्यकर्त्यांनी पुढाकार घेतला होता. यावेळी रक्त संकलन वाशिम जिल्हा सामान्य रुग्णालय चमूने केले. शिबिराला सहायक पोलीस निरीक्षक तुषार जाधव यांनी भेट दिली.