११ वर्षांपासून फरार आरोपीस पकडले

स्थानिक गुन्हे शाखा वाशिमची कारवाई.

वाशिम : सन २00३ मध्ये दाखल असलेल्या गुन्हय़ातील फरार आरोपीस वाशिम शहरात पकडल्याची घटना १0 जानेवारी रोजी घडली.
सन २00३ मध्ये वाशिम पोलीस स्टेशनमध्ये अपराध क्रमांक ५२/२00३ दाखल असलेल्या गुन्हय़ातील आरोपी संजय आङ्म्रू वैरागडे हा गत ११ वर्षांपासून वाशिम पोलिसांना पाहिजे होता. १0 जानेवारी रोजी स्थानिक गुन्हे शाखेच्या पथकाला सदर आरोपी वाशिम शहरात वावरत असल्याची माहिती प्राप्त झाली. पोलिसांनी प्राप्त माहितीवरून ठाणेदार संग्राम सागळे यांच्या मार्गदर्शनाखाली स्थानिक गुन्हे शाखेच्या पथकाने सापळा रचला. आरोपी पदमतीर्थ तलाव परिसरात फिरत असताना त्यास पकडून अटक करण्यात आली. या कारवाईमध्ये स्थानिक गुन्हे शाखेचे प्रमुख सहायक पोलीस निरीक्षक उदय सोयस्कर, सुनील पवार, पो.काँ. राजेश बायस्कर व हरिष दंदे यांचा समावेश होता.
राममंदिर परिसरात एका इसमास २0 लिटर गावठी दारू बाळगल्याप्रकरणी पकडण्यात आले. राममंदिर परिसरात मनोज भगवान गिरी रा. वाशिम हा २0 लिटर गावठी हातभट्टी दारू अंदाजे किंमत १२00 रूपये बाळगताना आढळून आला. यास दारूसह पोलिसांनी अटक केली. याप्रकरणी गुन्हा दाखल करण्यात आला. तपास सहायक पोलीस अधिकारी सोयस्कर करीत आहेत.