कोंडा तोडून घरफोडी

मंगरुळपीर येथे अज्ञात चोरट्याने कोंडा तोडून घरातील सोने-चांदीचे दागिने लंपास केले

मंगरुळपीर: शहरातील लक्ष्मीविहार कॉलनीतील दीपक राजाराम राऊत यांच्या घराचा अज्ञात चोरट्याने कोंडा तोडून घरात प्रवेश करून घरातील आलमारीतील सोने-चांदीचे दागिने व नगदी असा एकूण ९१00 रूपयाचा ऐवज लंपास केल्याची घटना ७ रोजी घडली.
पोलीस सूत्रांनी दिलेल्या माहितीनुसार हकीकत अशी की, येथील दीपक राऊत हे बाहेरगावी आपल्या कुटुंबासह गेले असता रात्रीच्यावेळी अज्ञात चोरट्याने घरात प्रवेश करून घराच्या आलमारीतील सोन्या चांदीचे व नगरी एकूण ९१00 रूपयाचा ऐवज चोरून नेल्याची घटना घडली असून फिर्याद दीपक राऊत यांनी दिली आहे.
या प्रकरणी पोलीसांनी अज्ञात चोरट्याविरूद्ध अपराध क्र.१२९/१४ कलम ४५७, ३८0 भादवि अन्वये गुन्हा दाखल केला आहे. या प्रकरणी पुढील तपास ठाणेदार मधुकर सानप यांच्या मार्गदर्शनात पोकाँ साखरकर व खालीद करीत आहे.