दारु दुकानाची तोडफोड

ठळक मुद्देघटना मंगळवारी सकाळी ११ ते १२ वाजताच्या सुमारास घडली१३ आरोपींविरुध्द वाशिम शहर पोलिस स्टेशनला गुन्हा दाखलनवीनकुमार मंडल यास पोलिसांनी ताब्यात घेतले

लोकमत न्यूज नेटवर्क
वाशिम : येथील मंगळवारी वेश परिसरात दारुच्या दुकानावर तोडफोड करुन मारहाण करण्यात आल्याची घटना मंगळवारी सकाळी ११ ते १२ वाजताच्या सुमारास घडली. सदर प्रकरणात १३ आरोपींविरुध्द वाशिम शहर पोलिस स्टेशनला गुन्हा दाखल करण्यात आला.
फिर्यादी बन्सीलाल शालीकराम जयस्वाल (५५) यांनी फिर्याद दिली की, मंगळवारी आपले दारुचे दुकान उघडल्यानंतर मेव्हना विजय राधेशाम जयस्वाल, नोकर दीपक पिंजरकर, कानबाराव गुडदे व विष्णु इंगळे हे व्यवसाय करत असतांना दुकानाबाहेर डॉ.तस्लीम शेख व इतर १0 ते १२ अनोळखी इसमांनी कोणतेही कारण नसतांना टिन शेडवर दगड मारुन नुकसान केले. त्यातील अनोळखी तीन ते चार इसम दुकानात शिरले व त्यांनी आपल्या पोटात लाथ मारली. दुकानासमोर सीसीटीव्ही कॅमेरे फोडून तसेच दुकानातील देशी दारुच्या बाटल्या फोडुन नुकसान केले. विजय  जयस्वाल याच्या उजव्या पायावर विट व फरशी तुकडा फेकुन मारले. तसेच मला जिवे मारण्याची धमकी दिली. याप्रकरणी आरोपीविरुध्द गुन्हा दाखल केला. सदर घटनेपुर्वी सकाळी ११ वाजताच्या सुमारास बिहार राज्यातील जिल्हा रनगटीया माधापुर येथील नवीनकुमार मंडल (२८) याने एका बालिकेचा विनयभंग केल्याची घटना घडली. सदर घटनेप्रकरणी आरोपी नवीनकुमार मंडल याच्याविरुध्द तक्रार देण्यात आली आहे. पोलिसांनी मंडल यास ताब्यात घेतले असुन चौकशी करीत आहे.