बस-ट्रकची धडक!

मानोरा तालुक्यातील कुपटा गावानजिकची घटना.

मानोरा, दि. १९- तालुक्यातील कुपटा गावानजिक एस.टी.बस व ट्रकची समोरासमोर धडक होऊन वाहकासह दोन प्रवासी जखमी झाले. ही घटना १९ जानेवारीला सकाळी १0.३0 च्या सुमारास घडली.
मंगरुळपीर परिवहन विभागाची बस मानोरावरून धामणगावकडे जात असताना कुपटा फाट्यानजिक समोरुन भरधाव वेगात येणार्‍या ट्रकने (क्र.एम.एच.३१ ए.पी. १६४९) बसला जबर धडक दिली. त्यात वाहक आणि दोन प्रवासी जखमी होण्यासोबतच बसचे १ लाख २५ हजार रुपयांचे नुकसान झाले, अशी फिर्याद मंगरुळपीर आगारप्रमुख वाय.टी.रामचवरे यांनी पोलिसांत दाखल केली. त्यावरून ट्रकचालकाविरुद्ध गुन्हा दाखल करण्यात आला.