कंटेनरची अँपेला धडक!

शिरपूरजैन : येथील पोलीस ठाण्यांतर्गत येणार्‍या मुंगळा येथे अँपेला समोरून येणार्‍या कंटेनरने समोरासमोर धडक दिली. यात अँपेत बसून असलेले दोन जण जखमी झाल्याची घटना १0 सप्टेंबर रोजी घडली.

ठळक मुद्देदोन जण जखमी चांडस येथील घटना

लोकमत न्यूज नेटवर्क
शिरपूरजैन : येथील पोलीस ठाण्यांतर्गत येणार्‍या मुंगळा येथे अँपेला समोरून येणार्‍या कंटेनरने समोरासमोर धडक दिली. यात अँपेत बसून असलेले दोन जण जखमी झाल्याची घटना १0 सप्टेंबर रोजी घडली.
याबाबत प्राप्त माहितीनुसार, मालेगावहून मेहकरकडे जाणार्‍या कंटेनरने (क्रमांक पी.बी. 0५ आर ९७६५) मुंगळा येथे जाणार्‍या अँपेला चांडसनजीक जबर धडक दिली. यात मुंगळा येथील भागवत मोहळे आणि मंगेश खोटे हे दोन जण जखमी झाले. 
दरम्यान, या अपघाताच्या घटनेची माहिती मिळताच शिरपूर पोलीस स्टेशनचे सहायक पोलीस निरीक्षक कमलेश खंडारे, बीट जमादार माणिकराव खानझोडे, संतोष पाइकराव, संदीप वायाळ आदींनी विनाविलंब घटनास्थळ गाठून जखमींना उपचारार्थ दवाखान्यात हलविले. याप्रकरणी कंटेनर चालकास ताब्यात घेण्यात आले असून, वृत्त लिहिस्तोवर कारवाई सुरू होती.